Eme emuhọ abọ avọ 7

Abọ nana ọ ta kpahe ikuigbe Sọl ovie na gbe Devidi ovie na, yọ o rehọ ikpe udhone (80) soso. Evaọ oke ọsosuọ Sọl o wo omaurokpotọ je wo ozodhẹ Ọghẹnẹ, rekọ uwhremu na o te nwene, o gbe je yoẹme kẹ Jihova ha. Ukuhọ riẹ, Jihova ọ tẹ siọ Sọl jẹ ta kẹ Samuẹle nọ ọ rọ Devidi mu ovie nọ o ti nwene ẹta Sọl. Sọl ọ jẹ re Devidi ihri, yọ ọ jẹ gwọlọ epanọ o re ro kpei no, rekọ Devidi o ru Sọl kele he. Ọmọ Sọl nọ a re se Jonatan ọ riẹ nọ Devidi Jihova ọ salọ, fikiere ọ talamu Devidi. Devidi ọ raha izi ilogbo, rekọ o kurẹriẹ okenọ Jihova ọ whọku iei. Otẹrọnọ whẹ yọ ọsẹ hayo oni, fiobọhọ kẹ ọmọ ra riẹ epanọ u wuzou te re ma nya lele ọruẹrẹfihotọ Jihova.