“Ọghẹnẹ Họ Uyoyou”

1. Ọghẹnẹ mai họ uyoyou,

Joma rọ aro keliei.

Ma te you Ọghẹnẹ gb’ahwo,

Ma re rueware woma.

Uyoyou re ruakpọ were,

Emamọ uzuazọ ’ye.

Ma te you amọfa ziezi,

U re ti kie kpomai hi.

2. Ma te gine you Ọghẹnẹ,

Ma re fioma h’otọ họ.

Ma te kie ọ rẹ kpar’omai,

O re kr’omai dikihẹ.

Uyoyou rẹ re ihri hi;

U re thihakọ ziezi.

Joma hai you inievo mai;

Re ma wereva kugbe.

3. Daoma kpọ ofu ra ziezi.

Whọ j’amọfa egrẹ hẹ.

Roma ra kpobi k’Ọghẹnẹ,

O ti wuhrẹ jẹ kp’owhẹ.

Ma rẹ raro kel’Ọghẹnẹ,

Keme ọye h’uyoyou.

Ma re ruewoma k’amọfa.

Joma you ahwo kpobi.