ẸKPẸTI UWUHRẸ 13A
Etẹmpol Ivẹ na, Eware nọ I Wuhrẹ Omai
Etẹmpol nọ Izikiẹl Ọ Ruẹ Na:
Izikiẹl o dhesẹ epanọ etẹmpol na ọ rrọ kẹ ahwo Ju nọ a jọ igbo Babilọn
U wo agbada-idhe nọ a jọ dhe idhe unuẹse buobu
U fiẹgba họ itee ikiẹrẹe nọ Jihova o fihọ kẹ egagọ riẹ
U ru omai riẹ kpahe ezihe ze egagọ efuafo, onọ u muhọ evaọ ukpe 1919
Etẹmpol Ẹwoho Ologbo Na:
Pọl họ ọnọ ọ ta ẹme kpahe iẹe, yọ Ileleikristi nọ e rrọ ahwo Hibru ọ jẹ ta ẹme na kẹ
U wo agbada-idhe nọ a jọ dhe idhe “ẹsiẹvo rọkẹ oke kpobi” (Hib. 10:10)
O ta kpahe oware nọ uwou-udhu na avọ etẹmpol obọ Jerusalẹm na e riobọ họ anwẹdẹ, koyehọ, ọruẹrẹfihotọ egagọ efuafo nọ Jihova o ru ẹkwoma idhe ẹtanigbo Kristi
U ru omai riẹ kpahe iruo nọ Kristi nọ ọ rrọ Ozerẹ Okpehru Ologbo na o ru, no ukpe 29 rite 33 C.E.