Ono Họ Ọghẹnẹ?

U kri akpọ gaga no nọ ahwo-akpọ a be rọ gọ oghẹrẹ eghẹnẹ sa-sa. Rekọ Ebaibol na ọ ta nọ u wo Ọghẹnẹ jọ nọ “ọ rro vi eghẹnẹ efa kpobi.” (2 Iruẹru-Ivie 2:5) Ono họ Ọghẹnẹ yena? Kọ eme u ru rie rro vi eghẹnẹ efa kpobi nọ ahwo a be gọ na? Evaọ uwuhrẹ nana, who ti wuhrẹ oghẹrẹ nọ Ọghẹnẹ nana ọ rọ gwọlọ nọ whọ riẹ ọyomariẹ.

1. Didi odẹ Ọghẹnẹ, kọ ẹvẹ ma rọ riẹ nọ ọ gwọlọ nọ ma riẹ odẹ na?

Ọghẹnẹ ọ jọ Ebaibol na dhesẹ omariẹ kẹ omai. Ọ ta nọ: “Mẹ họ Jihova. Odẹ mẹ oye.” (Se Aizaya 42:5, 8.) “Jihova” yọ oghẹrẹ nọ a fa odẹ Hibru jọ nọ o sae jọnọ otofa riẹ o rrọ “O re Ru Zihe Ro.” Jihova ọ gwọlọ nọ ma riẹ odẹ riẹ. (Ọnyano 3:15) Ẹvẹ ma rọ riẹ? O fi odẹ riẹ Jihova họ Ebaibol na bu vi isia idu ihrẹ (7,000).a Ọnọ ọ rrọ “Ọghẹnẹ uzẹme na evaọ obọ idhiwu gbe evaọ otọakpọ na” họ ọnọ o wo odẹ na Jihova.​—Iziewariẹ 4:39.

2. Eme Ebaibol na ọ vuẹ omai kpahe Jihova?

Ebaibol na ọ ta nọ evaọ usu eghẹnẹ kpobi nọ ahwo-akpọ a be gọ na, Jihova ọvo họ Ọghẹnẹ uzẹme na. Fikieme o rọ rrọ ere? U wo ẹjiroro sa-sa nọ o rọ rrọ ere. Jihova họ ọnọ o wo udu-esuo nọ o mai kpehru, yọ ọye ọvo họ “Ọnọ Ọ Mai Kpehru vi otọakpọ na kpobi.” (Se Olezi 83:18.) Ọye họ “Erumeru” na, onọ u dhesẹ nọ o wo ogaga nọ ọ sai ro ru oware kpobi nọ ọ gwọlọ ru. Ọye “ọ ma eware kpobi,” koyehọ, ehrugbakpọ na gbe eware kpobi nọ i wo uzuazọ evaọ otọakpọ na. (Eviavia 4:8, 11) Jihova ọvo họ ọnọ o wo emuhọ họ, yọ ọ te jọ bẹdẹ bẹdẹ.​—Olezi 90:2.

3. Ọghẹnẹ o wo edẹ-ova buobu, rekọ odẹ-oma ọvo o wo

Re whọ ruẹ ohẹriẹ nọ o rrọ odẹ-ova ohwo gbe odẹ-oma riẹ, kporo IVIDIO na, kẹsena wha vẹ ta ẹme kpahe onọ nọ ọ rrọ obotọ na.

IVIDIO: O Wo Edẹ-Ova Buobu, Rekọ Odẹ-Oma Ọvo O Wo (0:41)

• Ohẹriẹ vẹ o rrọ odẹ-ova, wọhọ “Olori,” avọ odẹ-oma?

Ebaibol na ọ ta nọ ahwo a be gọ eghẹnẹ gbe ilori buobu. Se Olezi 136:1-3, kẹsena wha vẹ ta ẹme kpahe onọ nana:

• Ono họ “Ọghẹnẹ eghẹnẹ na” gbe “Olori ilori na”?

4. Jihova ọ gwọlọ nọ whọ riẹ odẹ riẹ jẹ hai sei

IVIDIO: Kọ Ọghẹnẹ O Wo Odẹ?​—Amabọ Jọ Riẹ (3:11)

• Kọ who roro nọ Jihova ọ gwọlọ nọ a riẹ odẹ riẹ? Fikieme whọ rọ ta ere?

Jihova ọ gwọlọ nọ ahwo a se odẹ riẹ. Se Ahwo Rom 10:13, kẹsena wha vẹ ta ẹme kpahe enọ nana:

• Ẹvẹ who roro nọ u wuzou te re a se odẹ Ọghẹnẹ nọ o rrọ Jihova?

• Ẹvẹ o rẹ jọ owhẹ oma nọ ohwo ọ tẹ kareghẹhọ odẹ ra jẹ rehọ iẹe se owhẹ?

• Ẹvẹ who roro nọ o rẹ jọ Jihova oma nọ who te bi se odẹ riẹ?

5. Jihova ọ gwọlọ nọ who si kẹle iẹe ziezi

IVIDIO: Okenọ Mẹ Jẹ Gwọlọ Ọghẹnẹ (8:18)

EME WHO WUHRẸ NO?

Jihova họ odẹ Ọghẹnẹ uzẹme ọvo na. Ọ gwọlọ nọ ma riẹ odẹ na je sei re ma sai si kẹle iẹe.

Ọkiẹkpemu

• Ẹvẹ Jihova o ro wo ohẹriẹ no eghẹnẹ efa kpobi nọ ahwo a be gọ na?

• Fikieme u ro fo re ma se odẹ Ọghẹnẹ?

• Eme o dhesẹ nọ Jihova ọ gwọlọ nọ who si kẹle iẹe?

KIẸ KPAHE EFA

Wuhrẹ ẹjiroro isoi nọ u ro mu omai ẹro nọ Ọghẹnẹ ọ rrọ.

“Kọ Ọghẹnẹ Ọ Rrọ?” (Uzoẹme nọ o rrọ itanẹte)

Wuhrẹ oware nọ ma sae rọ rọwo nọ Ọghẹnẹ o wo emuhọ họ.

“Ono Ọ Ma Ọghẹnẹ?” (Uwou-Eroro Na, Azie 1, 2014)

Wuhrẹ oware nọ u ro fo re ma se odẹ Ọghẹnẹ, o tẹ make rọnọ ma nwane riẹ epanọ a je sei evaọ oke anwae dẹẹ hẹ.

“Ono Họ Jihova?” (Uzoẹme nọ o rrọ itanẹte)

Kọ odẹ nọ ma bi se Ọghẹnẹ u muẹme? Rri oware nọ ma rọ ta nọ odẹ-oma ọvo Ọghẹnẹ o wo.

“Bro Edẹ Ọghẹnẹ O Wo?” (Uzoẹme nọ o rrọ itanẹte)