UWOU-EBE ITANẸTE Uwou-Eroro
UWOU-EBE ITANẸTE
Uwou-Eroro
Isoko
Ọ
  • Ẹ
  • ẹ
  • Ọ
  • ọ
  • EBAIBOL
  • EBE GBE EWARE EFA
  • IWUHRẸ
  • lff uwuhrẹ 23
  • Ame-Ọhọ Yọ Utee nọ U Fo Ele!

Ọnana o wo ividio ho.

Eva e dha owhẹ hẹ, ividio na ọ rọwo kporo ho.

  • Ame-Ọhọ Yọ Utee nọ U Fo Ele!
  • Reawere Uzuazọ Bẹdẹ Bẹdẹ!—Uwuhrẹ Ebaibol nọ O te Kẹ Owhẹ Erere
  • Izoẹme-Esese
  • Onọ O Wọhọ E Riẹ
  • GBE WUHRẸ EWARE EFA
  • EME WHO WUHRẸ NO?
  • KIẸ KPAHE EFA
  • O Gwọlọ nọ Oleleikristi Kpobi Ọ rẹ Họ-Ame
    Uwou-Eroro Na Nọ U Bi Whowho Uvie Jihova (Uwuhrẹ)—2018
  • Otofa Ame-Ọhọ Ra
    Okugbe Evaọ Egagọ Ọghẹnẹ Uzẹme Ọvo Na
  • Kọ Whọ Ruẹrẹ Oma Kpahe kẹ Ame-Ọhọ No?
    Uwou-Eroro Na Nọ U Bi Whowho Uvie Jihova (Uwuhrẹ)—2020
  • Ame-Ọhọ avọ Usu Ra Kugbe Ọghẹnẹ
    Eme Ebaibol na O Gine Wuhrẹ?
Ruẹ Efa
Reawere Uzuazọ Bẹdẹ Bẹdẹ!—Uwuhrẹ Ebaibol nọ O te Kẹ Owhẹ Erere
lff uwuhrẹ 23
Uwuhrẹ avọ 23. Aye nọ a be họ-ame re ọ jọ omọvo Isẹri Jihova. A duwu rie họ ame le no.

UWUHRẸ AVỌ 23

Ame-Ọhọ Yọ Utee nọ U Fo Ele!

Onọ A Printi
Onọ A Printi
Onọ A Printi

Jesu ọ ta nọ o gba Ileleikristi họ nọ a rẹ họ-ame. (Se Matiu 28:19, 20.) Rekọ eme họ ame-ọhọ? Kọ eme o gwọlọ nọ ohwo o re ru re ọ sae họ-ame?

1. Eme họ ame-ọhọ?

A rehọ ẹme na “họ-ame” no ẹme Griki jọ ze nọ otofa riẹ o rrọ “re a duwu” kpobọ otọ ame. Evaọ okenọ Jesu ọ họ-ame, a duwu rie fihọ ame le no evaọ Ethẹ Jọdan, kẹsena ọ tẹ “va no ame na ze.” (Mak 1:9, 10) Epọvo na re, nọ Ileleikristi uzẹme a tẹ be họ-ame, a re duwu omarai kpobi fihọ ame le no.

2. Eme ohwo ọ rẹ rọ ame-ọhọ riẹ dhesẹ?

Nọ ohwo ọ tẹ họ-ame, u re dhesẹ nọ ọ rọ omariẹ mudhe kẹ Jihova Ọghẹnẹ no. Ẹvẹ ohwo ọ rẹ rọ roma mudhe? Taure ọ tẹ te họ-ame, ọye ọvo ọ rẹ lẹ se Jihova, yọ ọ rẹ jọ olẹ na vuẹe nọ ọ gwọlọ gọe bẹdẹ bẹdẹ. Ọ rẹ ya eyaa nọ Jihova ọvo ọ te gọ, yọ oreva Ọghẹnẹ nọ o re ru o te jọ oware nọ o mai wuzou evaọ uzuazọ riẹ. Ọ rẹ jiroro nọ ọ rẹ “vro omobọ riẹ . . . o ve [bi] lele” iwuhrẹ gbe oriruo Jesu. (Matiu 16:24) Omauromudhe gbe ame-ọhọ riẹ u re ru nọ ọ sai ro wo usu okpekpe kugbe Jihova gbe amọfa nọ a be gọe.

3. Eme ohwo o re ru re ọ sae họ-ame?

Re whọ tẹ te sae họ-ame, u wuzou gaga nọ who re wuhrẹ kpahe Jihova je fi ẹrọwọ họ iẹe. (Se Ahwo Hibru 11:6.) Nọ whọ be riẹ Jihova ziezi je fi ẹrọwọ họ iẹe na, uyoyou nọ who wo kẹe u ti dhe ẹgẹga. Yọ oyena o te lẹliẹ owhẹ gwọlọ ta usi uwoma kpahe iẹe je koko izi riẹ evaọ uzuazọ ra. (2 Timoti 4:2; 1 Jọn 5:3) Nọ ohwo o te bi “yeri uzuazọ nọ u fo evaọ aro Jihova [je] ru ei eva were ziezi,” o rẹ wọe rọ uzuazọ riẹ mudhe kẹ Ọghẹnẹ jẹ họ-ame.​—Ahwo Kọlọsi 1:9, 10.a

GBE WUHRẸ EWARE EFA

Rri oware nọ ma rẹ sai wuhrẹ no ame-ọhọ Jesu ze, gbe oware nọ ohwo o re ru re ọ sae họ-ame.

4. Ma rẹ sai wuhrẹ no ame-ọhọ Jesu ze

Se Matiu 3:13-17 re who wuhrẹ eware efa kpahe ame-ọhọ Jesu. Kẹsena wha vẹ ta ẹme kpahe enọ nana:

  • Kọ ọmọfofa Jesu ọ jọ evaọ okenọ ọ họ-ame?

  • Oghẹrẹ vẹ a rọ họe ame? Kọ ame a frẹ ku ei?

Nọ Jesu ọ họ-ame no o ro mu obọdẹ iruo nọ Ọghẹnẹ ọ kẹ riẹ họ evaọ otọakpọ. Se Luk 3:21-23 gbe Jọn 6:38, kẹsena wha vẹ ta ẹme kpahe onọ nana:

  • Nọ Jesu ọ họ-ame no, iruo vẹ ọ rọ karo evaọ uzuazọ riẹ?

5. Ame-ọhọ yọ utee nọ a rẹ sai le tobọ

Ozọ o sae dina mu owhẹ nọ who te roro kpahe omauromudhe gbe ame-ọhọ. Rekọ, jọ u mu owhẹ ẹro nọ whọ sai ru eware nọ e rẹ lẹliẹ owhẹ wo udu te epanọ whọ rẹ rọ roma mudhe jẹ họ-ame. Re whọ ruẹ iriruo ahwo jọ nọ a sai ru ere no, Kporo IVIDIO na.

IVIDIO: Epanọ Who re ro Mu Usu Kugbe Jihova (1:11)

Se Jọn 17:3 gbe Jemis 1:5, kẹsena wha vẹ ta ẹme kpahe onọ nana:

  • Eme ọ rẹ sai fiobọhọ kẹ ohwo ruẹrẹ oma kpahe kẹ ame-ọhọ?

A. Aye nọ ọ be lẹ se Ọghẹnẹ, be roma riẹ mudhe kẹe. B. Aye ọvona nọ a be họ-ame re ọ jọ omọvo Isẹri Jihova. A duwu rie họ ame le no.
  1. Oghẹrẹ nọ ma rẹ rọ roma mudhe họ, ma rẹ jọ olẹ ta kẹ Jihova nọ ma gwọlọ gọe bẹdẹ bẹdẹ

  2. Ma rẹ rọ ame-ọhọ dhesẹ via kẹ amọfa nọ ma roma mudhe kẹ Ọghẹnẹ no

6. Whọ tẹ họ-ame, yọ who zihe ruọ omọvo uviuwou Jihova no

Nọ ma tẹ họ-ame no yọ ma kuomagbe uviuwou akpọ-soso nọ o rrọ okugbe ọvo no. Ghelọ oria nọ ma no ze hayo oghẹrẹ uzuazọ nọ ma yeri no otọ ze kẹhẹ, eware evona ma rọwo, ma te je bi koko izi evona evaọ uzuazọ mai. Se Olezi 25:14 gbe 1 Pita 2:17, kẹsena wha vẹ ta ẹme kpahe onọ nana:

  • Nọ ohwo ọ tẹ họ-ame no, oghẹrẹ usu vẹ o re wo kugbe Jihova gbe amọfa nọ a be gọ Jihova?

Iwoho: Oniọvo-ọmọtẹ nọ ọ họ-ame no nọ o bi roro kpahe emamọ usu nọ o wo kugbe amọfa evaọ ukoko na. 1. Ọ be ta eva riẹ kẹ oniọvo-ọmọtẹ ọkpako ọvona. 2. O kru oniọvo-ọmọtẹ jọ nọ ọ kpako no be nyonya. 3. Tei te egbẹnyusu riẹ nọ a rrọ unuikpe sa-sa a be re emu kugbe. 4. Tei te oniọvo-ọmọtẹ ọfa jọ a be ta usi uwoma kẹ ọzae jọ. 5. Tei te inievo-emetẹ efa nọ e rrọ ahwo ovioma sa a be ruọ ifoto kugbe evaọ okokohọ ubrotọ.

AHWO JỌ A RẸ TA NỌ: “Mẹ gwọlọ họ-ame he.”

  • Otẹrọnọ ere o rrọ kẹ owhẹ re, kọ who roro nọ u fo re whọ daoma họ-ame?

EME WHO WUHRẸ NO?

Jesu ọ ta nọ o gba Ileleikristi họ nọ a rẹ họ-ame. Re ohwo ọ sae họ-ame, o gwọlọ nọ o re fi ẹrọwọ ọgaga họ Jihova, koko izi riẹ, jẹ rọ omariẹ mudhe kẹe.

Ọkiẹkpemu

  • Eme họ ame-ọhọ, kọ fikieme u ro wuzou?

  • Eme ohwo ọ rẹ rọ ame-ọhọ riẹ dhesẹ?

  • Eme ohwo o re ru re ọ tẹ te sae họ-ame?

Utee nọ whọ rẹ sai fihọ

KIẸ KPAHE EFA

Wuhrẹ kpahe oware nọ ame-ọhọ ọ rrọ gbe oware nọ ọ rrọ họ.

“Eme Họ Ame-Ọhọ?” (Uzoẹme nọ o rrọ itanẹte)

Se kpahe eware nọ ohwo o re ru re ọ sae họ-ame.

“Uyoyou gbe Edẹro kẹ Jihova U re Ru Ohwo Họ-Ame” (Uwou-Eroro Na, Asa 2020)

Se kpahe oware nọ o lẹliẹ ọzae jọ họ-ame.

“A Gwọlọ nọ Mẹ Ọvo Mẹ Kiẹ Oware nọ Ebaibol na O Gine Wuhrẹ Via” (Uwou-Eroro Na, Asa 1, 2013)

Se kpahe oware nọ ame-ọhọ o jẹ rrọ utee nọ u fo ele gbe epanọ whọ sae rọ ruẹrẹ oma kpahe kẹe.

“Fikieme Mẹ Jẹ Họ-Ame?” (Questions Young People Ask ​—Answers That Work, Uko avọ 2, uzou avọ 37)

a Otẹrọnọ ohwo ọ họ-ame no evaọ egagọ efa vẹre, o gwọlọ nọ ọ rẹ wariẹ họ-ame. Fikieme? Keme egagọ yena i bi wuhrẹ uzẹme nọ o rrọ Ebaibol na ha.​—Rri Iruẹru Ikọ 19:1-5 gbe Uwuhrẹ avọ 13.

    Ebe Isoko Kpobi (1992-2025)
    Noi No
    Rueva
    • Isoko
    • Vi Ei Se Omọfa
    • Ru Ei Fihọ Oghẹrẹ nọ O Were Owhẹ
    • Copyright © 2025 Watch Tower Bible and Tract Society of Pennsylvania
    • Izi Kpahe Eroruiruo Evuẹ Na
    • Izi Oria Evuẹ Omobọ Ra
    • Esẹtini Oria Evuẹ Omobọ Ra
    • JW.ORG
    • Rueva
    Vi Ei Se Omọfa