Evuẹ Rọkẹ Enọ E Ziọ Okokohọ Na

AME-ỌHỌ A te nyasiọ ekpala nọ e rrọ uhie obaro na ba kẹ ahwo nọ a te họ-ame. Rekọ otẹrọnọ a ti ru enwene jọ, a ti whowho iei via. U fo nọ ahwo nọ a te họ-ame a rẹ keria oria nọ a ruẹrẹhọ kẹ ae taure ẹme ame-ọhọ na o te ti muhọ evaọ ohiohiẹ Ẹdẹ-Ọmaha. Omomọvo ọ rẹ wha omokpa gbe ẹgọ ame-ọhọ nọ ọ rrọ kpatiẹ ze.

EKPALA Iviena roro kẹ amọfa. Kareghẹhọ nọ ahwo nọ wha gbẹ ruọ omoto, ahwo uviuwou ra, ahwo nọ wha gbẹ rrọ uwou, hayo enọ who bi wuhrẹ obe kugbe ọvo whọ rẹ sae sẹro akpala kẹ. Iviena whọ nyasiọ eware ba ehru ekpala nọ e kẹle owhẹ hẹ, re amọfa a ruẹ nọ eria yena e gbẹ rrọ ofofe.

ERUẸRẸAHWOHỌ Iruo ahwo nana họ, re a fiobọhọ kẹ owhẹ. Iviena yoẹme kẹ ai ziezi nọ a te bi dhesẹ oria nọ whọ rẹ dhẹ omoto, imotosaikoro hayo ebasikoro ra fihọ, hayo oria nọ whọ rẹ keria gbe eware efa.

ẸDẸ-ỌMAHA ORUFUỌ: Oke nọ a si usi nana [ ] wariẹ na o rrọ kẹ ikokohọ nọ a ti ru evaọ Ẹdẹ-Ọmaha Orufuọ. Evaọ urere oka utioye na, whọ ruẹ nọ a ku ẹme-ọzọhọkugbe jọ avọ ẹme ọfa jọ nọ a hai ti ru evaọ uvo Ẹdẹ-Ọmaha kugbe eme nọ a ti ru evaọ ohiohiẹ Edisoi-Oka. Izoẹme rai họ “Oware nọ Ma Wuhrẹ No Iruo Igbunu Ọsosuọ Jesu Ze” gbe “Oghẹrẹ nọ ‘Omogodẹ Ọghẹnẹ’ Ọ rọ Wha Uzioraha Vrẹ.”

IRUO UNEVAZE Whọ tẹ gwọlọ fiobọhọ evaọ iruo sa-sa nọ e rrọ okokohọ na, iviena kpohọ ẹko-iruo Information and Volunteer Service Department, a ti dhesẹ oria nọ a jọ gwọlọ obufihọ kẹ owhẹ.

ORIA EWARE NỌ I VRU NỌ A RUẸ A rẹ rehọ eware kpobi nọ i vru, nọ a ruẹ tọlọ kpohọ Oria Eware nọ I Vru nọ A Ruẹ na. Otẹrọnọ oware ra jọ u vru, iviena kpohọ oria nana nyai vuhu onọ o rrọ ora. Whọ tẹ ruẹ ọmọ nọ o vru siọ ọsẹgboni riẹ ba, iviena rehọ iẹe kpohọ oria nana. Rekọ wha riẹ nọ oria nana o rrọ oria nọ a rẹ jọ rẹrote emọ kẹ ahwo ho. Iviena wha rẹrote emọ rai, jẹ ruẹ nọ a rrọ kugbe owhai ẹsikpobi.

ORIA IMU Iviena riẹ nọ ahwo nọ ẹyao idudhe o kie ọvo a re kpohọ etenẹ na.

UNEVAZE A raha igho buobu rọ bọ Ọgwa Okokohọ nana, dẹ ekwakwa ikporakporo, gbe eware efa sa-sa re ma sae reawere okokohọ na jẹ sae rọ ere si kẹle Jihova. Unevaze ra u ti fiobọhọ kẹ omai ruẹ ugho rọ hwosa araha nana, jẹ rọ tha iruo akpọ-soso na uke. Whọ te jọ eria sa-sa evaọ Ọgwa Okokohọ na ruẹ itehe nọ a kere fihọ nọ Contribution (Unevaze). Rekọ o tẹ lọhọ, jọ itanẹte ru unevaze nọ who te kpohọ donate.jw.org. Unuigho kpobi nọ who ro ru unevaze o te da omai ẹro. Utu Ẹruorote Iruẹru Isẹri Jihova u bi yere owhai ziezi rọkẹ unevaze nọ wha bi ru rọ tha iruo Uvie na uke

Utu Ẹruorote Iruẹru Isẹri Jihova họ enọ e ruẹrẹ okokohọ nana họ