Eva Emẹjẹ Oletu Okọ Na

EMAMỌ ahwo, emamọ emu, gbe emamọ ẹmeọta-kugbe i re ru emuọriọ eva emẹjẹ ọ oletu okọ-oyibo kẹ evawere. Rekọ ẹmeọta-kugbe jọ eva emẹjẹ ọ Oletu na Robert G. Smith ọrọ White Star Line, u fi elo họ emuore abọ-ẹzi.—Aizaya 25:6.

Evaọ 1894, nọ ọ jọ ikpe 24, Robert ọ jọ osu ọ okọ-oyibo na Kinclune of Dundee re o bi akpọ na wariẹ họ eva orọ ọsosuọ riẹ. Uwhremu na ọ tẹ te jọ ọnọ o w’uzou ekọ White Star, wọhọ Cedric, Cevic, gbe Runic.a Nọ Charles Taze Russell ọ jẹ fa Abade Atlantic na vrẹ no New York kpohọ Liverpool, England, eva okọ nana jọ, Robert ọ ghọ riẹ eva emẹjẹ oletu na. Ẹme nọ ọye omariẹ avọ Russell a ta ọ kpare isiuru Robert kpahe ovuẹ Ebaibol na, yọ re u fi obọ họ kẹe wuhrẹ viere, ọ tẹ rehọ ebe ọ Studies in the Scriptures jọ mi Russell avọ evawere.

Russell o je he kere ileta sei ẹsikpobi, fikiere isiuru Robert kpahe ovuẹ Ebaibol na o tẹ te rro h’aro. Robert ọ tẹ ghale eriariẹ ekpokpọ riẹ kugbe aye riẹ. U kri hi aimava a te ti zihe ruọ Emọ-Uwuhrẹ Ebaibol ajọwha, wọhọ epanọ a riẹ Isẹri Jihova eva oke yena. Uwhremu na Robert o te wo uvẹ ọghọ nọ ọ jẹ rọ kẹ evuẹ ogbotu. Wọhọ oriruo, evaọ Brisbane, Australia, ọ ta kpahe “Ewhri Usiwo orọ Giliad” o te dhesẹ epanọ Ẹme Ọghẹnẹ o ro wo ovuẹ nọ o rrọ “ifue rọkẹ iye otọakpọ kpobi.” Yọ evaọ obọ England, aye gbe emọ riẹ a je he dhesẹ “Photo-Drama of Creation” na, nọ a bi dhesẹ iwoho na yọ a bi kporo eme ọ Russell nọ e rrọ erekọdo.

Emọ Robert e reuku uzẹme Uvie nọ o wo t’obọ na mi ei. Nẹnẹ, anwọ ige isoi na, ahwo 18 erọ uviuwou riẹ a be rọ ọwhọ whowho emamọ usi na kẹ amọfa, avọ uyere rọkẹ oware nọ a wo t’obọ evaọ emẹjẹ ọ oletu na.

Ẹkwoma ebe rai nọ a kporo gbe iruo ewuhrẹ Ebaibol rai, Isẹri Jihova a bi fi obọ họ kẹ ahwo wariẹ akpọ na họ wuhrẹ ovuẹ Ebaibol nọ u si Oletu na Smith urru na. Whọ rẹ sai duku oware nọ u siuru t’ere eva emẹjẹ oletu na re.

[Oruvẹ-obotọ]

[Uwoho nọ o rrọ ẹwẹ-obe avọ 8]

Robert G. Smith

[Uwoho nọ o rrọ ẹwẹ-obe avọ 8]

Charles T. Russell