UWOU-EBE ITANẸTE Uwou-Eroro
UWOU-EBE ITANẸTE
Uwou-Eroro
Isoko
Ọ
  • Ẹ
  • ẹ
  • Ọ
  • ọ
  • EBAIBOL
  • EBE GBE EWARE EFA
  • IWUHRẸ
  • km 2/01 ẹwẹ. 8
  • Jihova Ọ rẹ Kẹ Ogaga

Ọnana o wo ividio ho.

Eva e dha owhẹ hẹ, ividio na ọ rọwo kporo ho.

  • Jihova Ọ rẹ Kẹ Ogaga
  • Odibọgba Uvie Mai—2001
  • Onọ O Wọhọ E Riẹ
  • Jihova Ọ Rẹ Kẹ Enọ Oma O Rrọ No Ẹgba
    Uwou-Eroro Na Nọ U Bi Whowho Uvie Jihova—2000
  • “Gwọlọ Ọnowo Avọ Ogaga Riẹ”
    Uwou-Eroro Na Nọ U Bi Whowho Uvie Jihova—2000
  • Jihova Ọ te Kẹ Owhẹ Ẹgba
    Uwou-Eroro Na Nọ U Bi Whowho Uvie Jihova (Uwuhrẹ)—2021
  • Jọ “Oma O Rọ” Owhẹ Hẹ
    Uwou-Eroro Na Nọ U Bi Whowho Uvie Jihova—2013
Ruẹ Efa
Odibọgba Uvie Mai—2001
km 2/01 ẹwẹ. 8

Jihova Ọ rẹ Kẹ Ogaga

1 Eme who roro kpahe Pọl ukọ na? Ma te bi se obe Iruẹru na, ma re wo ovuhumuo epanọ o ru iruo ga te evaọ egagọ Jihova. Ẹvẹ Pọl ọ sai ro ru eware kpobi nọ o ru na? Ọ ta nọ: “Mẹ rẹ sai ru eware kpobi eva ọnọ [ọ] be kẹ omẹ eri.” (Fil. 4:13) Ma rẹ sai wo erere no ogaga nọ Jihova ọ rẹ kẹ ze re. Evaọ oghẹrẹ vẹ? Ẹkwoma efihiruo eruẹrẹfihotọ ezeza nọ o ru re e k’omai eri jẹ k’omai ẹgba.

2 Ẹme Ọghẹnẹ: Wọhọ epanọ ma rẹ riemu re ma yọrọ ogaga ugboma mai na, ma rẹ rehọ Ẹme Ọghẹnẹ ko oma mai hrọ re ma sai dikihẹ ga evaọ abọ-ẹzi. (Mat. 4:4) Ebaibol na ọ rẹ kẹ ogaga nọ o rẹ sẹro mai. Re ma yọrọ ọwhọ gbe ajọwha mai kẹ uzẹme na, u fo nọ ma re duomahọ emamọ uwuhrẹ omobọ-ohwo gbe eroro, otẹrọnọ o lọhọ kẹdẹ kẹdẹ.—Ol. 1:2, 3.

3 Olẹ: O r’oja re ma sikẹle Jihova, maero evaọ etoke ẹgwọlọ obọdẹ. Ẹkwoma ẹzi riẹ, ọ rẹ rehọ ogaga ulogbo kẹ enọ e be yare iẹe evaọ olẹ. (Luk 11:13; Ẹf. 3:16) Ikereakere na e tuduhọ omai awọ nọ ma “lẹ kẹse kẹse.” (Rom 12:12) Kọ who bi ru ere?

4 Ukoko Na: Ma re wo ogaga gbe uduotahawọ no iwuhrẹ ukoko gbe usu oruọruọ nọ ma rẹ jọ obei reawere riẹ kugbe inievo mai ze. (Hib. 10:24, 25) Okenọ ma tẹ rọ ẹbẹbẹ, a rẹ tuduhọ omai awọ jẹ rọ uyoyou fiobọhọ k’omai.—Itẹ 17:17; Ọtausi. 4:10.

5 Iruẹru Usiuwoma Ota Na: Abọ-owo ẹsikpobi evaọ odibọgba na u re fiobọhọ k’omai tẹrovi Uvie na gbe eghale riẹ. Ẹzi mai ọ rẹ jaja evaọ okenọ ma te fiobọhọ kẹ amọfa wuhrẹ kpahe Jihova. (Iruẹru 20:35) Orọnikọ mai kpobi ma rẹ sae nyae gọ evaọ oria nọ ẹgwọlọ na ọ jẹ mae rro ho hayo w’obọ evaọ iruo odibọgba oke-kpobi na ha, rekọ ma rẹ sae jọ idhere efa w’obọ ziezi evaọ odibọgba na.—Hib. 6:10-12.

6 Esẹro Ileleikristi: Ma re wo erere no uduotahawọ gbe obufihọ nọ ekpako na a rẹ kẹ ze. Jihova ọ rehọ e rai mu re a sẹro uthuru Ọghẹnẹ nọ a muhọ ae abọ. (1 Pita 5:2) Esẹro ọnyawariẹ a rẹ bọ ikoko nọ a weze kpohọ ga, tubẹ wọhọ epanọ Pọl o ru evaọ edẹ riẹ.—Rom 1:11, 12.

7 Iriruo Ahwo Ẹrọwọ: O rẹ sasa oma re ma roro kpahe iriruo uduotahawọ ibe iruiruo ẹrọwọ, te erọ anwae gbe erọ ọgbọna. (Hib. 12:1) Okenọ whọ tẹ gwọlọ wo omosasọ, emejabọ who gbe se ikuigbe uduotahawọ jọ evaọ emagazini mai, iyẹrẹ ọbọga jọ evaọ Yearbook na, hayo iyẹrẹ omosasọ jọ ọrọ ikuigbe ọgbọna Isẹri Jihova evaọ obe Proclaimers na ha?

8 Oniọvo jọ, ọnọ ọ vrẹ ikpe 90 ziezi no enẹna, ọ jẹ uzẹme na rehọ okenọ ọ jọ ọmoha. Nọ ọ gbẹ jọ ọmaha, a te fi ẹrọwọ riẹ họ ẹdawọ. Orọ ọsosuọ kpobi, ejọ nọ i je kuomagbe ukoko na sasasa vẹre e tẹ nyasiọ ukoko Jihova ba. Ofariẹ iruo n’uwou ruọ uwou na e jọ bẹbẹ kẹe. Ghele na, ọ rẹ rẹroso Jihova ẹsikpobi. U kri hi ọ tẹ jẹ reawere odibọgba na. Kọ inẹnẹ? Ghelọ ẹyao nọ ọ be mọ, ọ gbẹ rọ omọvo ahwo uviuwou Ebẹtẹle Brooklyn, bi ruiruo eva Ugboma Esuo na. O wo enuobro ho kpahe ukoko Jihova nọ ọ dadamu.

9 Oniọvo-ọmọtẹ jọ nọ ọ rọ omọvo ahwo uviuwou Ebẹtẹle evaọ Britain ọ họ-ame evaọ okenọ ọ jọ ikpe 13. O te muọ iruo ọkobaro na họ kugbe oniọvo riẹ evaọ ukpe nọ u lele i rie, nọ ukpe oyena o vrẹ no, a te mu ọsẹ riẹ fihọ uwou-odi fiki edikihẹ seomaba-edhehọ riẹ evaọ etoke Ẹmo Akpọ II. Ọ ruabọhọ ẹrorọsuọ Jihova kẹ ogaga, ọ tẹ jẹ ruabọhọ ẹgọ Ọghẹnẹ uzẹme na. U kri hi, ọ tẹ rọo oniọvo-ọmọzae ẹrọwọ jọ, aimava a tẹ gbẹ ruabọhọ oreva Jihova uruo. Nọ ikpe 35 e vrẹ no nọ a rọ rọo, ọzae riẹ o te whu idudhe. Ọ tẹ wariẹ wo ogaga mi Jihova, yọ ọ gbẹ be gọ rite inẹnẹ na, bi rri kparo kpohọ ẹgọ bẹdẹ bẹdẹ wọhọ omọvo uviuwou otọakpọ Jihova.

10 Jihova o re fiobọhọ jẹ kẹ idibo ẹrọwọ riẹ ẹgba. “Ọ rẹ rehọ eri kẹ enọ oma o rẹ rọ, ọ vẹ jẹ rehọ ogaga kẹ eyẹlẹ.” Ma sae rehọ no ehri ogaga nana nọ o wo umuo ho na ze ẹkwoma efihiruo eruẹrẹfihotọ ezeza nọ a jọ obehru fodẹ na. Kareghẹhọ: “A te tua eri enọ e be hẹrẹ ỌNOWO na, . . . a te dhẹ ohrẹ oma o rẹ rọ ae he, a te nyaonya aro o re bi ae he.” (Aiz. 40:29-31) Pọl ọ rẹroso Jihova gaga kẹ ogaga, yọ ere ma re ru re.

    Ebe Isoko Kpobi (1992-2025)
    Noi No
    Rueva
    • Isoko
    • Vi Ei Se Omọfa
    • Ru Ei Fihọ Oghẹrẹ nọ O Were Owhẹ
    • Copyright © 2025 Watch Tower Bible and Tract Society of Pennsylvania
    • Izi Kpahe Eroruiruo Evuẹ Na
    • Izi Oria Evuẹ Omobọ Ra
    • Esẹtini Oria Evuẹ Omobọ Ra
    • JW.ORG
    • Rueva
    Vi Ei Se Omọfa