Ẹme nọ Whọ rẹ Ta Kpahe Emagazini Na

Uwou-Eroro Na July-Sept.

“Kọ who roro nọ egagọ kpobi Ọghẹnẹ ọ jẹrehọ? [Kuvẹ kẹ uyo.] Oware nọ Ọghẹnẹ o ru okenọ emọ Izrẹl anwae a dede iruemu egagọ erue erẹwho nọ e wariẹ e rai họ, u fo oware nọ ma re roro kpahe. [Se Izikiẹl 6:6.] A jọ uzoẹme nana nọ u muhọ evaọ ẹwẹ-obe avọ 15 kuyo onọ nana: ‘Kọ Oghẹrẹ nọ Ma rẹ rọ Gọ Ọghẹnẹ U Muẹme?’”

Awake! Sept.

“Kọ who roro nọ o rrọ ẹjiroro Ọghẹnẹ re ahwo akpọ a ruẹ uye ohọo nọ o be jọ akpọ na soso mu nẹnẹ na? [Kuvẹ kẹ uyo.] Muẹrohọ ẹjiroro riẹ nọ ọ gwọlọ ro ku ẹbẹbẹ nana họ. [Se Olezi 72:16.] Uzoẹme nana nọ o rrọ ẹwẹ-obe avọ 7 na, u dhesẹ epanọ Ọghẹnẹ o ti ro zihe Aparadase ziọ otọakpọ na.”

Awake! Oct.

“Itanẹte yọ oware nọ u re fiobọhọ gaga, rekọ u wo enwoma nọ o rẹ wha se emaha na. Ẹvẹ who roro nọ ma sae rọ thọ emaha na? [Kuvẹ kẹ uyo.] Iviena muẹrohọ ẹme nana nọ ọ rrọ ikere nana. [Se Itẹ 18:1, je ru ei vẹ.] Ehri-uzi nana yọ ovojọ evaọ usu ehri-izi Ebaibol ezeza nọ uzoẹme nọ o rrọ ẹwẹ-obe avọ 8 na o ta kpahe nọ u re fiobọhọ kẹ esẹgbini thọ emọ rai.”