Ẹme nọ Whọ rẹ Ta Kpahe Emagazini Na

January-March

“Kọ whọ sai muẹrohọ no inọ ahwo a wo itee sa-sa evaọ abọ ẹfuọ? [Kuvẹ kẹ uyo.] Ẹjiroro jọ nọ ẹfuọ o ro wuzou gaga ọ rrọ ikere nana. [Se 1 Pita 1:16.] Uzoẹme nana nọ u muhọ evaọ ẹwẹ-obe avọ 21 na u dhesẹ idhere jọ nọ ma sai ro ru ẹfuọ.”

January

“Nọ ahwo jọ a tẹ rẹriẹ ovao dhe ẹbẹbẹ, a re roro nọ Ọghẹnẹ ọ be kẹ ae uye na. Kọ who roro ere no ẹdẹjọ? [Kuvẹ kẹ uyo. Kẹsena who ve se Jemis 1:13.] Uzoẹme nana nọ u muhọ evaọ ẹwẹ-obe avọ 28 na u dhesẹ ugogo ohwo nọ ọ be wha ebẹbẹ mai ze gbe oware nọ ma je rẹro inọ ebẹbẹ mai i ti kuhọ kẹle.”

January-March

“Kọ who roro nọ ezae avọ eyae a te fi uthubro nana nọ o rrọ Ebaibol na họ iruo, o sae lẹliẹ usu orọo rai jọ gaga? [Se Job 31:1. Kẹsena whọ vẹ kuvẹ kẹ uyo.] Uzoẹme nana nọ u muhọ evaọ ẹwẹ-obe avọ 14 na o ta kpahe ehri-izi Ebaibol nọ e rẹ sai fi obọ họ kẹ imava-orọo se eyaa orọo rai gboja.”

February

“Eware kpobi nọ e rrọ akpọ na i dhesẹ nọ a ma akpọ na re eware nọ i wo uzuazọ e rriae. Kọ who roro nọ eware na ọvo e roma via, manikọ Ọmemama jọ ọ ma rai? [Kuvẹ kẹ uyo.] Ahwo buobu a rọwo kugbe ẹme nana nọ ọ rrọ Ebaibol na. [Se Olezi 104:24.] Emagazini nana o ta kpahe epanọ otọkiẹ kpahe eware nọ e rrọ akpọ na gbe Ikereakere na e rọ kẹ imuẹro Ọmemama.”