Ẹme nọ Whọ rẹ Ta Kpahe Emagazini Na
April-June
“Kọ who roro nọ elẹ kpobi Ọghẹnẹ o re yo? [Kuvẹ kẹ uyo.] Gaviezọ kẹ ẹme jọ nọ Jesu ọ ta kpahe olẹ. [Se Matiu 6:7.] Emamọ uzoẹme nana nọ u muhọ evaọ ẹwẹ-obe avọ 22 na u dhesẹ oware nọ Ebaibol e ta kpahe enọ ene jọ nọ ahwo a rẹ nọ gaga kpahe olẹ.”
April
“Erọo buobu e be fa fikiọ ẹnwae-obro. Kọ who roro nọ ahwo a te fi ẹme nọ ọ rrọ oria Ebaibol nana h’iruo o sae lẹliẹ orọo tọ? [Se Matiu 5:28. Whọ vẹ kuvẹ kẹ uyo.] Uzoẹme nana nọ u muhọ evaọ ẹwẹ-obe avọ 28 na u dhesẹ epanọ Ebaibol na u re ro fiobọhọ kẹ ahwo nọ a rọo no whaha egbefẹ ẹnwae-obro.”
April-June
“Enwene ohwo kpobi ohwo jọ o whu ku no. Rekọ ahwo buobu a riẹ oware nọ Ebaibol e ta kpahe iwhowhu na ha. Kọ eme ọ rẹ via nọ ohwo o te whu? [Kuvẹ kẹ uyo. Kẹsena who ve se Emuhọ 3:19.] Ahwo buobu nẹnẹ a be dhozọ iwhowhu na. Uzoẹme nana nọ u muhọ evaọ ẹwẹ-obe avọ 13 na u dhesẹ sọ iwhowhu a gbẹ rrọ uzuazọ evaọ obojọ gbe epanọ ma re ro fi ozodhẹ iwhowhu kparobọ.”
May
“Ahwo buobu nẹnẹ a be rọ imu nọ a dhesẹ kẹ ae nọ a lọ ro ruiruo thọthọ. Eme who roro nọ o be wha onana ze? [Kuvẹ kẹ uyo.] Ebaibol e fodẹ ugogo oware jọ nọ o be whae ze, maero rọkẹ emaha na. [Se Itẹ 13:20.] Emagazini nana o ta kpahe epanọ whọ sae rọ sẹro oma ra gbe uviuwou ra no ebẹbẹ ugbẹlọ imu.”