Ividio na The Bible—Accurate History, Reliable Prophecy

Eme u dhesẹ nọ ikuigbe nọ e rrọ Ebaibol na e rrọ gbagba? Eruẹaruẹ vẹ evaọ Ebaibol na i rugba no nọ i ru omai rọwo inọ eruẹaruẹ nọ i kiekpahe obaro na i ti rugba re? A kiyo enọ nana evaọ ividio na The Bible—Accurate History, Reliable Prophecy, ividio avesa evaọ DVD na The Bible—A Book of Fact and Prophecy. Nọ who riwi ividio na no na, kọ whọ sae kiyo enọ nana?

(1) Ono o wo eme nọ e rrọ Ebaibol na? (Dan. 2:28) (2) Ẹvẹ Ebaibol na i dhesẹ orẹwho Ijipti anwae gbagba te, kọ ẹvẹ eruẹaruẹ nọ a kere fihọ Aizaya 19:3, 4 i ro rugba? (3) Ẹvẹ ekwakwa anwae nọ a kiẹ riwi i ro dhesẹ inọ oghẹrẹ nọ Ebaibol na i dhesẹ ahwo Asiria, ivie rai, gbe ọraha Asiria ginọ uzẹme? (Nah. 3:1, 7, 13) (4) Didi eruẹaruẹ kpahe Babilọn i rugba? (Jeri. 20:4; 50:38; 51:30) (5) Didi eruẹaruẹ kpahe Midia gbe Pasia i rugba? (Aiz. 44:28) (6) Ẹvẹ Daniẹl 7:6 gbe 8:5, 8 i ro rugba kpahe Grisi? (7) Ẹvẹ Daniẹl 7:7 o ro rugba nọ Rom o zihẹ ruọ ogaga-esuo akpọ-soso? (8) Edẹ Siza vẹ a fodẹ evaọ Ebaibol na? (9) Eme ọ via kẹ Ileleikristi okenọ Nero o je su? (10) Ẹvẹ eruẹaruẹ nọ e rrọ Eviavia 13:11 gbe 17:10 i ro rugba? (11) Esuo vẹ u dikihẹ kẹ ovie avọ eree na? (12) Iwoho vẹ evaọ ividio na i dhesẹ nọ eme Ọtausiuwoma 8:9 na ginọ uzẹme? (13) Eruẹaruẹ vẹ kpahe obaro na whọ be rehọ ọwhọ hẹrẹ erugba rai? (14) Ẹvẹ whọ sae rọ rehọ ividio nana fi obọ họ kẹ amọfa rọwo inọ obọ Ọghẹnẹ Ebaibol na u no ze?