Iriruo Usiuwoma Ota

Onọ A re ro Mu Ebe-Iwuhrẹ Ebaibol Họ Evaọ Ẹdẹ-Ọmaha Ọsosuọ Asa

“Ahwo nọ ma lele ta ẹme no a wo ọvuọ eriwo riẹ kpahe Ebaibol na. Ejọ e ta nọ Ebaibol na yọ Ẹme Ọghẹnẹ, rekọ amọfa a rri rie wọhọ obe gheghe. Ẹvẹ who rri Ebaibol na?” Kuvẹ kẹ uyo. Dhesẹ uke Uwou-Eroro Asa rite Ane na kẹe re wha se edhe-ẹme ọsosuọ nọ ọ rrọ otọ onọ ọsosuọ na. Se eria Ebaibol ivẹ nọ a jariẹ fodẹ na. Ku Awake! kugbe rọ kẹe, wha ve fi oke họ nọ who ti ro zihe re wha ta ẹme kpahe edhe-ẹme nọ ọ kẹle riẹ na.

Uwou-Eroro Asa rite Ane

“Ma be rehọ omoke jọ ta ẹme kugbe ahwo kpahe oware jọ nọ u kpomahọ omai kpobi. Mai kpobi ma wo ohwo nọ o whu ku omai no ẹdẹjọ. Nọ ohwo nọ ma you o te whu, o rẹ da gaga, o gbẹ rrọ ere? [Kuvẹ kẹ uyo.] Oria Ebaibol nana o rẹ kẹ omai omosasọ. [Se Aizaya 25:8.] Emagazini nana ọ ta kpahe eyaa Ọghẹnẹ nọ e rrọ Ebaibol na inọ o ti si uwhu no, ọ vẹ te jẹ kpare ahwo mai nọ i whu no ziọ uzuazọ.”

Awake! Asa

“Ma be rehọ omoke jọ ta ẹme kugbe ahwo. Ahwo buobu a wo eriwo ọthọthọ kpahe oria Ebaibol nana. [Se Emuhọ 1:1.] Ahwo jọ a rọwo nọ ẹma a ma akpọ na, rekọ amọfa a rọwo ere he. Kọ who roro nọ ẹme Ebaibol na ginọ uzẹme? [Kuvẹ kẹ uyo.] O rrọ bẹbẹ kẹ ahwo jọ re a rọwo nọ ẹma a ma akpọ na keme isu egagọ a re wuhrẹ eware jọ nọ e rrọ Ebaibol ho. Emagazini nana ọ ta kpahe epanọ Ebaibol na o ro dhesẹ vevẹ oghẹrẹ nọ akpọ na o ro muhọ.”