Iriruo Usiuwoma Ota

Onọ A re ro Mu Ebe-Iwuhrẹ Ebaibol Họ Evaọ Ẹdẹ-Ọmaha Ọsosuọ Asoi

“Ma be ta ẹme kpẹkpẹe kugbe ahwo kpahe onọ nana. [Dhesẹ onọ nọ o rrọ uke Uwou-Eroro ọ Asoi rite Azeza na kẹe.] Ẹvẹ who roro?” [Kuvẹ kẹ uyo.] Wha se edhe-ẹme ọsosuọ nọ ọ rrọ otọ onọ ọsosuọ na. Se eria Ebaibol nọ a jariẹ fodẹ na. Ku Awake! kugbe rọ kẹe, wha ve fi oke họ nọ who ti ro zihe re wha ta ẹme kpahe edhe-ẹme nọ ọ kẹle riẹ na.

Uwou-Eroro Asoi rite Azeza

“Ma be ta ẹme kpẹkpẹe kugbe ahwo kpahe oware jọ nọ enwenọ ohwo kpobi ọ be hai ru. Makọ egagọ nọ ma rrọ kẹhẹ, enwenọ ohwo kpobi ọ rẹ lẹ. Kọ who roro nọ Ọghẹnẹ ọ be hai yo elẹ mai manikọ e rẹ lẹliẹ omai kpairoro vrẹ idhọvẹ mai ọvo? [Kuvẹ kẹ uyo.] Rri ẹme nọ Ebaibol na ọ ta kpahe olẹ. [Se 1 Jọn 5:14.] Emagazini nana ọ ta kpahe oghẹrẹ nọ olẹ o sai ro fi obọ họ kẹ omai.” Dhesẹ uzoẹme nọ o rrọ ẹwẹ-obe avọ 3 na kẹe.

Awake! Asoi

“Ma bi lele ahwo ta ẹme kpẹkpẹe kpahe epanọ a sai ro ru idhọvẹ kpotọ. Kọ who roro nọ ahwo a be mai wo idhọvẹ nẹnẹ vi epaọ anwẹdẹ? [Kuvẹ kẹ uyo.] Ahwo buobu a vuhumu no inọ ehrẹ nọ e rrọ Ebaibol na i re fi obọ họ ru idhọvẹ kpotọ. Oria Ebaibol jọ ona. [Se Matiu 6:34.] Emagazini nana o ta kpahe eware ene nọ e rẹ sae wha idhọvẹ ze gbe epanọ ehrẹ Ebaibol e sai ro fi obọ họ kẹ omai fi ai kparobọ.”

Ọjọriẹ: Awake! nana o te were otu ekiọthuọ.