Kru Egagọ Uzẹme Ga Ziezi

Eruẹaruẹ etẹmpol nọ Izikiẹl ọ ruẹ na e kẹ ahwo Ju nọ e jọ igbo ẹruore nọ egagọ uzẹme i ti zihe ze ẹdẹjọ. Evaọ edẹ urere nana, a “rehọ ugbehru-itho uwou ỌNOWO na [vi] kerọ igbehru-itho nọ i kpehru thesiwa” no. Igbehru-itho na i dikihẹ kẹ egagọ efuafo, yọ ma rrọ usu enọ i no erẹwho sa-sa ze nọ e dhẹ kpohọ iẹe no. (Aiz 2:2) Kọ eva e gbẹ be were owhẹ ẹsikpobi nọ whọ rrọ egagọ uzẹme na?

EGHALE NỌ E RRỌ EGAGỌ UZẸME:

• 

  Eware jọ nọ ma hae te riẹ hẹ nọ Ebaibol o wuhrẹ omai no, emamọ ehrẹ nọ ma re fihọ iruo re eware i woma, gbe ẹruore mai nọ ọ te seba erugba ha.​—Aiz 48:​17, 18; 65:13; Rom 15:4

• Uyoyou nọ o rrọ udevie inievo mai evaọ akpọ soso.​—Ol 133:1; Jọ 13:35

• Ọghọ ologbo nọ ma wo nọ ma rọ rrọ ibe iruiruo Ọghẹnẹ.​—Iru 20:35; 1Kọ 3:9

• “Udhedhẹ Ọghẹnẹ” nọ o rẹ lẹliẹ udu kie omai vi evaọ oke uye.​—Fil 4:​6, 7

• Udu ofuafo.​—2Ti 1:3

• “Okugbe ỌNOWO ọ rẹ jọ kẹ” omai.​—Ol 25:14

Ẹvẹ mẹ sai ro dhesẹ nọ me rri egagọ efuafo ghaghae?