Rehọ Uzuazọ Ra Kẹ Jihova Orro!

Uzuazọ yọ okẹ. Oware nọ ma be rọ okẹ nana ru kẹdẹ kẹdẹ u ti dhesẹ epanọ ma rri rie. Nọ ma be gọ Jihova na, ma rẹ rehọ onaa nọ ma wo rọ wha ujiro gbe oruaro se Ọnọ Ọ Kẹ omai uzuazọ na. (Ol 36:9; Ev 4:11) Rekọ awaọruọ eware nọ e be via kẹdẹ kẹdẹ evaọ akpọ na e sae lẹliẹ omai dina rolo obọ evaọ egagọ Ọghẹnẹ. (Mak 4:18, 19) O gwọlọ nọ ma nọ omamai nọ: ‘Kọ me bi gine ru utho nọ ẹgba mẹ o te evaọ egagọ Jihova? (Ho 14:2) Kọ iruo mẹ e be rehọ oke nọ mẹ rẹ rọ gọ Jihova? Kọ itee vẹ me fihọ evaọ egagọ Ọghẹnẹ? Ẹvẹ mẹ gbẹ sae rọ ta usiuwoma viere?’ Whọ tẹ ruẹ oria jọ nọ u fo nọ whọ rẹ gbẹ jọ daoma, lẹ se Jihova re o fiobọhọ kẹ owhẹ, who ve je ru inwene nọ i fo. Ababọ avro, who te bi jiri Jihova ẹsikpobi, who ti wo evawere evaọ uzuazọ!​—Ol 61:8.

RRI IVIDIO NA REHỌ OKẸ ONAA NỌ WHO WO RUIRUO KẸ JIHOVA, KẸSENA WHA VẸ KIYO ENỌ NANA:

• Ẹvẹ o rọ rrọ oware ugheghẹ re whọ rehọ onaa ra ruiruo kẹ akpọ Setan? (1Jọ 2:17)

• Eghale vẹ i re te ahwo nọ a rọ ẹgba rai kpobi ruiruo kẹ Jihova?

• Iruo vẹ whọ rẹ sae rọ onaa nọ who wo ru kẹ Jihova?