EWARE AGHAE NỌ E RRỌ EBAIBOL NA | LUK 8-9
Jọ Olele Mẹ—Eme O Gwọlọ?
Re ohwo ọ sae rehọ arao kporo ikuele ithethei nọ e rrọ liọliọ, oware ovo o rẹ jọmọdẹ rehọ iroro ohwo na re o rri emu hu. Ere ọvona re, Oleleikristi ọ rẹ kuvẹ re eware akpọ na nọ o gbobọnẹ e rehọ iroro riẹ hẹ.—Fil 3:13.
Nọ uye o tẹ be bẹ omai, ẹsejọhọ ma sai roro nọ ‘oke nọ u kpemu o mai woma,’ koyehọ okenọ ma re riẹ uzẹme na ha. Ma te bi roro ere, yọ ma bi roro nọ oke yena ma jẹ reakpọ kuoma, inọ uye ovo o jariẹ hẹ. Nwanọ ere emọ Izrẹl a jẹ ta nọ a no Ijipti no. (Ik 11:5, 6) Otẹrọnọ ma gbẹ whaha iroro yena ha, ma sae wariẹ zihe kpohọ uzuazọ nọ ma je yeri vẹre na. Kọ u gbe woma re ma tẹrovi eghale nọ i bi te omai enẹna je roro kpahe eghale nọ ma ti wo evaọ otọ Uvie na?—2Kọ 4:16-18.