Kareghẹhọ Aye Lọt

Fikieme aye Lọt o ro rri emu evaọ okenọ a jẹ dhẹ no Sọdọm? Ebaibol na ọ ta ha. (Emu 19:​17, 26) Eme nọ e wariẹ unuovẹvẹ Jesu na họ i dhesẹ nọ o wọhọ nọ eware nọ ọ nya seba o je roro kpahe. (Luk 17:​31, 32) Eme ma re ru re ma gbe reghe no abọ Ọghẹnẹ hẹ wọhọ epanọ o via kẹ aye Lọt na? Ma rẹ kuvẹ re ekwakwa efe e jọ oware ọsosuọ evaọ uzuazọ mai hi. (Mt 6:33) Jesu o wuhrẹ nọ ma “sae gbodibo kẹ Ọghẹnẹ gbe efe he.” (Mt 6:24) Rekọ eme ma re ru nọ ma te muẹrohọ nọ ekwakwa efe e be rọ ẹmẹrera rehọ ẹta egagọ Ọghẹnẹ evaọ uzuazọ mai? Ma sae lẹ se Jihova re ọ kẹ omai areghẹ nọ ma rẹ rọ riẹ uruemu nọ u fo nọ ma siobọno jẹ kẹ omai udu avọ ẹgba nọ ma re ro ru ere.

REHỌ IRORO RA KPOHỌ IVIDIO NỌ O WO ABASA NA KAREGHẸHỌ AYE LỌT, KẸSENA WHA VẸ KIYO ENỌ NANA:

• 

  Ẹvẹ etunyẹ nọ a je tunyẹ Gloria re o le efe u ro kpomahọ ẹmeọta, iroro gbe eware nọ o je ru?

• Ẹvẹ aye Lọt ọ rọ rrọ unuovẹvẹ kẹ omai nẹnẹ?

• Ẹvẹ ehrẹ Ebaibol nọ Joe avọ ahwo uwou riẹ a je fihọ iruo i ro fiobọhọ kẹ ai?

• Ẹvẹ egbẹnyusu nọ Anna o je lele ru iruo i ro kpomahọ egagọ riẹ?

• Fikieme o rọ gwọlọ udu nọ a te bi tu omai họ le efe?

• Ẹvẹ Brian avọ Gloria a rọ wariẹ rọ egagọ Ọghẹnẹ karo?

• Ehrẹ Ebaibol vẹ a jọ ividio nana ta kpahe?