EWARE AGHAE NỌ E RRỌ EBAIBOL NA | TAITỌS 1–FILIMỌN
“Rehọ Ekpako Mu”
Pọl ọ ta kẹ Taitọs nọ ọ “rehọ ekpako mu no okpẹwho ruọ okpẹwho.” Nẹnẹ na, nọ esẹro okogho a tẹ be rehọ ekpako gbe idibo iruiruo mu evaọ ikoko sa-sa, yọ a bi ru lele ọkpọvio nana nọ o no Ebaibol ze na.
UTU ẸRUOROTE NA
Utu Ẹruorote na u bi ru lele ọruẹrẹfihotọ nọ a jẹ rọ rehọ ekpako gbe idibo iruiruo mu evaọ ikpe-udhusoi ọsosuọ, fikiere o rehọ owha-iruo ulogbo nana kẹ esẹro okogho.
ESẸRO OKOGHO
Ọsẹro okogho kpobi ọ rẹ lẹ jẹ romatotọ kiẹ kpahe inievo nọ ekpako na a rehọ edẹ rai lawhe re a ro mu ekpako hayo idibo iruiruo, kẹsena ọ vẹ rehọ enọ i gine te ro mu.
EKPAKO NỌ A RO MU
Nọ a tẹ make rehọ ekpako mu no, o gwọlọ nọ a rẹ gbẹ daoma nyate itee Ikereakere na.