“Wha Hai Roro Kpahe Eware Nana”

Didi eware? Ahwo Filipai 4:8 o ta nọ ma hai roro kpahe eware kpobi nọ e rrọ uzẹme, enọ e roja gaga, nọ i kiẹrẹe, nọ e fo, nọ e rẹ wha uyoyou họ aro, nọ a be ta emamọ ẹme kpahe, enọ i woma, gbe enọ i fo ejiro. Orọnikọ onana u dhesẹ nọ eme Ebaibol ọvo Oleleikristi o re roro kpahe ẹsikpobi hi. Rekọ, o gwọlọ nọ eware nọ ma re roro kpahe evaọ udu mai e rẹ jọ enọ e rẹ were Jihova. Orọnikọ eware nọ i re ru ei bẹbẹ kẹ omai nọ ma gbe ro yoẹme kẹ Jihova ha ma re roro kpahe he.​—Ol 19:14.

O rẹ sae jọ bẹbẹ re ma whaha ekpehre iroro. U te no sebaẹgba mai nọ ma bi lele muabọ no, ma bi je lele Setan, “ọghẹnẹ uyero-akpọ nana” muabọ re. (2Kọ 4:4) Fikinọ ọye ọ be kpọ eware akpọ nana, eware nọ a bi dhesẹ evaọ etẹlẹvisiọno, irediyo, Itanẹte, ebe-usi, emagazini, gbe ebe efa, e rẹ tọtọ oma. Ma gbẹ salọ enọ ma re rri hayo se he, e rẹ sai gbe iroro mai ku, ukuhọ riẹ, e vẹ raha emamọ uruemu mai no.​—Jem 1:14, 15.

WHA RRI IVIDIO NA KẸNOMA KẸ EWARE NỌ E RẸ WHAHA OWHẸ JIHOVA ẸTALAMU​—IKPEHRE IGHE IRIWO, KẸSENA WHA VẸ KIYO ENỌ NANA:

• 

  Eme oniọvo-ọmọzae na ọ jẹ jọ ifonu riẹ rri, kọ ẹvẹ u ro kpomahọ iẹe?

• 

  Ẹvẹ ẹme nọ ọ rrọ Ahwo Galesha 6:7, 8 gbe Olezi 119:37 u ro fiobọhọ kẹe?