Otọakpọ na O tẹ “Da Ame na” No

No oke anwae ze, ahwo egọmeti a fiobọhọ kẹ idibo Jihova evaọ etoke sa-sa no. (Ẹzr 6:1-12; Ẹst 8:10-13) Makọ evaọ oke mai nana, ma be ruẹ nọ “otọakpọ na,” koyehọ isu ahwo-akpọ jọ nọ i wo iroro, a be “da ame” ukpokpoma nọ “araomuomu idudu na,” Setan Ẹdhọ na, ọ be wha ze no. (Ev 12:16) Evaọ ẹsejọ, Jihova, “Ọghẹnẹ mai nọ o re siwi” na, ọ rẹ rehọ isu ahwo-akpọ fiobọhọ kẹ idibo riẹ.​—Ol 68:20; Itẹ 21:1.

Kọ otẹrọnọ a fi owhẹ họ uwou-odi fikinọ whọ be gọ Jihova? Riẹ nọ Jihova ọ be ruẹ owhẹ, yọ ọ te rẹrote owhẹ. (Emu 39:21-23; Ol 105:17-20) Jọ u mu owhẹ ẹro nọ Jihova ọ te ghale owhẹ fiki ẹrọwọ ra gbe nọ ithihakọ ra na o be tuduhọ inievo ra awọ evaọ akpọ na soso.​—Fil 1:12-14; Ev 2:10.

WHA RRI IVIDIO NA INIEVO-EMEZAE OBỌ KOREA NỌ A SIOBỌNO NO UWOU-ODI, KẸSENA WHA VẸ KIYO ENỌ NANA:

• Anwọ ikpe jọ ze na, fikieme a ro fi inievo mai buobu họ uwou-odi evaọ obọ South Korea?

• Iziẹ vẹ a jọ okọto bru nọ u ru nọ a rọ kaki siobọno inievo mai jọ?

• Ẹvẹ ma sai ro fiobọhọ kẹ inievo mai nọ a fihọ uwou-odi fiki ẹrọwọ rai evaọ akpọ na soso?

• Ẹvẹ ma rẹ rehọ ufuoma nọ ma wo enẹna ro ruiruo?

• Ono ma re jiri rọkẹ edhọ okọto nọ ma be jọ kparobọ na?