Wha Dikihẹ Ga nọ Urere na U bi Si Kẹle Na

OWARE NỌ U RO WUZOU: Kẹle na, eware igbunu nọ e te via e te dawo epanọ ma wo udu te, gbe epanọ ma fievahọ Jihova te. Uye ulogbo na u ti muhọ nọ a tẹ raha egagọ erue no. (Mt 24:21; Ev 17:16, 17) Evaọ oke yena, ẹsejọhọ ovuẹ nọ ma ti whowho o te jọ orọ ẹdhoguo. (Ev 16:21) Kẹsena Gọg obọ Magọg ọ vẹ te wọso omai. (Iz 38:10-12, 14-16) Onana u ve ti ru nọ “ẹmo ẹdẹ ologbo Ọghẹnẹ Erumeru na” u ti ro muhọ. (Ev 16:14, 16) Re ma sai wo udu nọ eware nana e te via evaọ obaro na, o gwọlọ nọ ma re dikihẹ ga je kru ẹrọwọ mai enẹna nọ edawọ i te te omai.

EPANỌ A RE RO RU EI:

• Ma re koko izi ikiẹrẹe Jihova ẹsikpobi.​—Aiz 5:20

• Ma re kpohọ iwuhrẹ ukoko kẹse kẹse.​—Hib 10:24, 25

• Ma rẹ rọ eva mai kpobi ru lele ekpọvio nọ ukoko Jihova o be kẹ.​—Hib 13:17

• Ma re roro didi kpahe oghẹrẹ nọ Jihova o ro siwi idibo riẹ no evaọ oke nọ u kpemu.​—2Pi 2:9

• Ma rẹ lẹ se Jihova jẹ rẹroso iẹe.​—Ol 112:7, 8

WHA RRI IVIDIO NA EWARE NỌ E TE VIA NỌ O JỌ GWỌLỌ NỌ MA RE WO UDU​—AMABỌ JỌ RIẸ, KẸSENA WHA VẸ KIYO ENỌ NANA:

• 

  Ẹbẹbẹ jọ vẹ iwhowho-uvie jọ a rẹriẹ ovao dhe nọ a ghale ukoko nọ a jọ fihọ ikoko efa?

• 

  Oghẹrẹ vẹ ẹmeoyo o sai ro fiobọhọ kẹ omai wo udu?

• 

  Fikieme o rọ gwọlọ nọ ma re wo udu evaọ oke Amagidọn?

• 

  Iku Ebaibol vẹ e rẹ sae bọ ẹrọwọ mai ga inọ Jihova o ti siwi omai?​—2Ir 20:1-24