EWARE AGHAE NỌ E RRỌ EBAIBOL NA | ỌNYANO 35-36

Ruẹrẹ Oma Kpahe re Who Ru Iruo Jihova

Evaọ okenọ a jẹ bọ uwou-udhu na, Jihova ọ rehọ ẹzi ọfuafo riẹ fiobọhọ kẹ Bẹzalẹl avọ Oholiab nọ a rọ nya lele omaa ebabọ uwou-udhu na kpekpekpe. (Rri uwoho nọ o rrọ uke obe na.) Jihova ọ be rehọ ẹzi ọfuafo riẹ fiobọhọ kẹ idibo riẹ nẹnẹ re. Eme ma re ru re Jihova ọ sae rọ ẹzi ọfuafo riẹ fiobọhọ kẹ omai?

Ma rẹ lẹ re Jihova ọ rehọ ẹzi ọfuafo riẹ fiobọhọ kẹ omai rọ ẹgba mai ruiruo ziezi evaọ egagọ riẹ
Ma rẹ romatotọ se Ebaibol na ziezi
Ma rẹ rọ udu mai kpobi ru oghẹrẹ iruo kpobi nọ a kẹ omai evaọ ukoko na

Iwoho na: Isẹri Jihova nọ a bi ru iruo sa-sa nọ a kẹ rai evaọ ukoko na. 1. Inievo-emetẹ nọ i bi ru iruo ebabọ. 2. Oniọvo-ọmọzae nọ o re ru uwuhrẹ ‘Uwou-Eroro’ na nọ ọ be ruẹrẹ oma kpahe. 3. Oniọvo-ọmọzae nọ ọ be ta usi uwoma kẹ ọzae jọ nọ ọ be zẹ eki, yọ oniọvo nọ a gbẹ rrọ usu o bi rri sọ ahwo ọwọsuọ a rrọ oria na. 4. Ọzae-avọ-aye jọ nọ a rrọ Isukulu Rọkẹ Etausiuwoma Uvie Na.

Oghẹrẹ iruo vẹ Jihova ọ rẹ sai fiobọhọ kẹ owhẹ ru?