Kọ Whọ Sai Fi Obe Họ kẹ Isukulu Rọkẹ Etausiuwoma Uvie Na?

Kọ whọ rrọ umuo ikpe 23 rite 65 jẹ rrọ iruo ọkobaro oke-kpobi na? Kọ omara o ga ziezi, uyero ra o tẹ jẹ kuvẹ nọ whọ sai ro ru iruo Uvie na evaọ oria nọ ẹgwọlọ ọ mae rrọ? Otẹrọnọ ee họ uyo ra rọkẹ enọ yena, kọ whọ sai fi obe họ kẹ Isukulu Rọkẹ Etausiuwoma Uvie Na? No anwọ eklase ọsosuọ isukulu nana ze, ezae-avọ-eyae nọ e rọo no, inievo-emezae gbe erọ emetẹ nọ e re rọo ho nọ i bu te idu buobu, a fi obe họ rọkẹ isukulu nana no. Rekọ ma gbẹ gwọlọ inievo-emezae buobu nọ e re rọo ho nọ i re fi obe họ. Lẹ se Jihova re o fiobọhọ kẹ owhẹ wo isiuru nọ who re ro ru oreva riẹ, re whọ jẹ rọ aro kele Ọmọ riẹ. (Ol 40:8; Mt 20:28; Hib 10:7) Kẹsena who ve roro kpahe epanọ whọ sai ro siobọno eware jọ re whọ sai te kẹ isukulu na.

Uvẹ iruo sa-sa vẹ u rovie fihọ rọkẹ inievo nọ i kpohọ isukulu nana nwrotọ no? A vi inievo jọ nọ i nwrotọ no isukulu nana kpohọ eria nọ a be jọ ta ẹvẹrẹ ọfa no, hayo re a wobọ evaọ usi uwoma ota ẹgbede evaọ ikpewho. Amọfa jọ a rrọ ethabọ esẹro okogho, efa a rrọ esẹro okogho, hayo iruo imishọnare. Nọ who bi roro kpahe eware nọ whọ rẹ sai ru evaọ egagọ Jihova na, whọ sae rọ aro kele Aizaya ọruẹaro na, ọnọ ọ ta nọ: “Mẹ na! Vi omẹ!”​—Aiz 6:8.

WHA RRI IVIDIO NA IMISHỌNARE NỌ I BI RU IRUO IVUẸVU NA, KẸSENA WHA VẸ KIYO ENỌ NANA:

• 

  Oghẹrẹ vẹ a rẹ rọ salọ ahwo nọ a rẹ jọ imishọnare?

• 

  Emamọ iruo vẹ imishọnare a bi ru?

• 

  Eghale jọ vẹ i re no iruo imishọnare ze?