Ikokohọ Ilogbo Yọ Uvẹ nọ Ma re ro Dhesẹ Uyoyou

Fikieme ikokohọ ilogbo nọ ma re ru kukpe kukpe na e be hae rọ were gaga? Wọhọ epanọ o jẹ hae jọ evaọ Izrẹl oke anwae, ikokohọ nọ ma bi ru evaọ oke mai nana yọ uvẹ nọ ma re ro kuomagbe ibe egegagọ mai buobu gọ Jihova. Yọ ẹsejọ ma re kokohọ bu te ahwo udhusoi buobu hayo idu buobu dede. Ma rẹ jọ ikokohọ mai wuhrẹ kpahe epanọ usu nọ ma wo kugbe Jihova o rẹ rọ jọ gaga. Ma rẹ jẹ rọ uvẹ yena raha oke kugbe egbẹnyusu gbe ahwo uviuwou mai. Fikiere o rẹ were omai re ma jariẹ evaọ edẹ esa nọ a re ro ru okokohọ na.

Oke kpobi nọ ma te kokohọ, orọnikọ irere nọ i re te omai ọvo ma re roro kpahe he, rekọ ma re je roro kpahe oghẹrẹ nọ ma sai ro dhesẹ uyoyou kẹ amọfa. (Gal 6:10; Hib 10:24, 25) Nọ ma te rovie ẹthẹ kẹ oniọvo-ọmọzae hayo oniọvo-ọmọtẹ mai jọ, hayo nọ ma gbẹ sẹro ekpala bu vi enọ ma te keria ha, yọ ma bi dhesẹ nọ ma be gwọlọ ewoma amọfa. (Fil 2:3, 4) Ikokohọ ilogbo i re rovie uvẹ fihọ nọ ma re ro mu egbẹnyusu ekpokpọ. Fikiere, taure a te ti muhọ hayo nọ a te kuhọ no gbe evao etoke eriosehọ na, ma sai lele amọfa nọ ma riẹ vẹre he ta ẹme. (2Kọ 6:13) Nọ ma te mu usu kugbe amọfa evaọ etoke ikokohọ nana, usu na o sae jọ bẹdẹ bẹdẹ! Maero na, nọ amọfa a tẹ ruẹ epanọ ma bi ro dhesẹ uvi uyoyou, a sai kuomagbe omai gọ Jihova.​—Jọ 13:35.

WHA RRI IVIDIO NA IKOKOHỌ AKPỌ-SOSO “UYOYOU O RẸ JỌ BẸDẸ”!, KẸSENA WHA VẸ KIYO ENỌ NANA:

• 

  Oghẹrẹ vẹ a ro dhesẹ uyoyou kẹ inievo nọ a zizie ziọ okokohọ akpọ-soso 2019 na?

• 

  Eme o lẹliẹ okugbe gbe uyoyou nọ o rrọ udevie idibo Jihova viodẹ gaga?

• 

  Abọ sa-sa uyoyou Ileleikristi vẹ Utu Ẹruorote na o ta ẹme kpahe?

• 

  Oghẹrẹ vẹ uyoyou Ileleikristi u ro fiobọhọ kẹ inievo mai nọ e rrọ obọ Germany gbe South Korea kru ẹrọwọ rai?

• Eme ma gba riẹ mu no nọ ma re ru?