Lele Eyae nọ E Kpako No Yeri Wọhọ Ini, Ivovo-Eyae Wọhọ Inievo-Emetẹ

Ebaibol na ọ ta nọ ma yeri kugbe Ileleikristi nọ e kpako no wọhọ ini gbe esẹ mai, gbe enọ e maha vi omai wọhọ inievo mai. (Se 1 Timoti 5:1, 2.) Maero na, o gwọlọ nọ inievo-emezae a rọ ọghọ gbe adhẹẹ kẹ inievo-emetẹ na.

U fo vievie he re oniọvo-ọmọzae ọ hae rọ ọma lẹliẹ oniọvo-ọmọtẹ hayo ru eware nọ e rẹ were oniọvo-ọmọtẹ na ha gbe eware nọ e rẹ lẹliẹ oma vuọ oniọvo-ọmọtẹ na nọ ọ tẹ rrọ kugbe ei. (Job 31:1) U fo ho re oniọvo-ọmọzae nọ ọ re rọo ho ọ hai ru eware nọ i re dhesẹ nọ o wo isiuru orọo rọkẹ oniọvo-ọmọtẹ nọ ọ re rọo ho, kpakiyọ o wo isiuru orọo kẹe he.

U fo nọ ekpako na a rẹ romatotọ gaviezọ kẹ inievo-emetẹ na nọ a tẹ nọ onọ kpahe oware jọ hayo nọ a tẹ ta eriwo rai kpahe oware jọ nọ a muẹrohọ. U te no ere no, ekpako na a re muẹrohọ inievo-emetẹ nọ i wo ezae he re a sai fiobọhọ kẹ ai.​—Ru 2:8, 9.

WHA RRI IVIDIO NA DHESẸ UYOYOU NỌ O RẸ HIẸ HẸ EVAỌ UKOKO NA​—RỌKẸ EYAE-UKU GBE EMỌ NỌ I WO ESẸ HẸ, KẸSENA WHA VẸ KIYO ENỌ NANA:

• 

  Oghẹrẹ vẹ inievo ukoko na a ro dhesẹ uyoyou nọ o rẹ hiẹ hẹ kẹ Sista Myint?

• 

  Oghẹrẹ vẹ uyoyou nọ inievo ukoko na a dhesẹ na o rọ jọ emamọ isẹri rọkẹ ahwo nọ a be rria iwhre na?

• 

  Ẹvẹ uyoyou nọ inievo ukoko na a dhesẹ na u ro fiobọhọ kẹ emetẹ Sista Myint?

Idhere jọ vẹ whọ sai ro dhesẹ ororokẹ rọkẹ inievo-emetẹ nọ e rrọ ukoko ra?