Rehọ Reawere Uzuazọ Bẹdẹ Bẹdẹ! na Ta Usi Uwoma

Eva e were omai nọ ma ro wo ibroshọ gbe obe okpokpọ nọ ma re ro wuhrẹ ahwo Ebaibol na! Ma be lẹ nọ Jihova ọ ghale omai re ma fiobọhọ kẹ ahwo buobu zihe ruọ ilele Jesu. (Mt 28:18-20; 1Kọ 3:6-9) Oghẹrẹ vẹ ma sae rọ rehọ ibroshọ gbe obe okpokpọ nana wuhrẹ ahwo?

Onaa uwuhrẹ okpokpọ ma te hae rọ rehọ obe Reawere Uzuazọ Bẹdẹ Bẹdẹ!, orọ uwuhrẹ Ebaibol nọ o te kẹ owhẹ erere na ro wuhrẹ ahwo. Fikiere, ru lele eware nọ e rrọ obotọ na nọ whọ tẹ be ruẹrẹ oma kpahe kẹ uwuhrẹ na gbe okenọ whọ tẹ be rehọ iẹe wuhrẹ ahwo.a

• Wha te se oria nọ wha bi wuhrẹ no, wha vẹ nọ enọ na jẹ kiyo rai

• Wha se eria Ebaibol nọ a kere fihọ nọ “se” na, re who je fiobọhọ kẹ ọmọ-uwuhrẹ Ebaibol na ruẹ oghẹrẹ nọ ọ sai ro fi eria Ebaibol na họ iruo

• Wha rri ividio na, kẹsena wha vẹ kiyo enọ nọ a nọ kpahe ividio na

• Wha daoma wuhrẹ uwuhrẹ ọvo re evaọ ẹkeriotọ ọvo

Ibroshọ na ma te hae kake rọ kẹ ahwo evaọ usi uwoma je ro mu obe-uwuhrẹ Ebaibol họ, re ma ruẹ sọ ohwo na ọ gwọlọ gine wuhrẹ Ebaibol na. (Rri ẹkpẹti na “Epanọ A rẹ rọ Rehọ Ibroshọ Reawere Uzuazọ Bẹdẹ Bẹdẹ! na kẹ Ahwo Evaọ Ẹdẹ Ọsosuọ.”) Nọ wha te wuhrẹ ibroshọ na re no, yọ ọmọ-uwuhrẹ Ebaibol na ọ gwọlọ nọ o re gbe wuhrẹ, whọ vẹ kẹe obe na jẹ jọ Uwuhrẹ avọ 04 muhọ. Otẹrọnọ whẹ be rehọ obe Wuhrẹ Omai hayo You Owhẹ na hayo obe ofa kpobi nọ ma re ro wuhrẹ ahwo wuhrẹ ohwo jọ, nwene kpohọ obe Reawere Uzuazọ Bẹdẹ Bẹdẹ! na re whọ jiroro oria nọ wha re jo muhọ.

WHA RRI IVIDIO NA MA DEDE OWHẸ REHỌ ZIỌ OBE-UWUHRẸ EBAIBOL RA, KẸSENA WHA VẸ KIYO ENỌ NANA:

• Eware jọ vẹ emọ-uwuhrẹ Ebaibol a te jọ obe okpokpọ na wuhrẹ?

• Fikieme u ro fo re who dhesẹ ividio nana kẹ emọ-uwuhrẹ Ebaibol ekpokpọ ra?

• Itee jọ vẹ u fo nọ whọ rẹ tuduhọ ọmọ-uwuhrẹ Ebaibol ra awọ re o fihọ kẹ omariẹ je le tobọ?​—Rri echate na “Eware nọ Abọ Ọvuọvo O Ta Kpahe gbe Eware nọ Whọ te Tuduhọ Ọmọ-Uwuhrẹ na Awọ nọ O Ru”