Gbẹ Hai Wuhrẹ Ẹgba Orimuo Ra

Re ohwo nọ ọ rẹ dhẹ ohrẹ ọ sae kparobọ, o gwọlọ nọ o re wuhrẹ omariẹ ẹsikpobi. Epọvo na re, re ma sae rọ ẹgba orimuo mai ruiruo ziezi, o gwọlọ nọ ma re wuhrẹ iẹe kẹse kẹse. (Hib 5:14) Dede nọ ẹsejọ iroro nọ amọfa a jẹ no ma rẹ gwọlọ rọ aro kele, o gwọlọ nọ ma re wuhrẹ omamai re mai ọvo ma sae jiroro kẹ omobọ mai. Fikieme ma rọ ta ere? Keme mai omomọvo ma ti gu ẹkẹ-unu mai evaọ oghẹrẹ iroro nọ ma jẹ.​—Rom 14:12.

U fo ho re ma roro nọ fikinọ ma họ-ame te ikpe buobu no ma te jẹ emamọ iroro ẹsikpobi. Re ma sae jẹ emamọ iroro o gwọlọ nọ ma rẹ rẹroso Jihova, Ẹme riẹ, gbe ukoko riẹ.​—Jos 1:7, 8; Itẹ 3:5, 6; Mt 24:45.

WHA RRI IVIDIO ODHESẸVIA NA “SẸRO EMAMỌ OBRUOZIẸ-IRORO,” KẸSENA WHA VẸ KIYO ENỌ NANA:

• 

  Iroro vẹ o gwọlọ nọ Emma ọ rẹ jẹ?

• 

  Fikieme o rọ gwọlọ nọ ma gba eriwo mai họ amọfa ha evaọ ẹme nọ o jọ gwọlọ nọ ohwo na ọvo ọ rẹ jiroro kẹ omobọ riẹ?

• 

  Emamọ ohrẹ vẹ ọzae-avọ-aye jọ a kẹ Emma?

• 

  Diẹse Emma ọ jọ ruẹ emamọ evuẹ nọ i fiobọhọ kẹe jẹ emamọ iroro?