EWARE AGHAE NỌ E RRỌ EBAIBOL NA

Oware nọ Ma rẹ Sai Wuhrẹ No Ipila Ivẹ Jọ Ze

A bọ ipila ilogbo ivẹ fihọ aro ọmọgwa etẹmpol na (1Iv 7:15, 16; w13 12/1 13 ¶3)

A kẹ ipila na emamọ edẹ (1Iv 7:21; it-1 348)

Jihova o ti fiobọhọ kẹ ahwo na ru etẹmpol na “dikihẹ gaga” otẹrọnọ a rẹroso ẹe (1Iv 7:21, ẹme-obotọ; Ol 127:1)

O sae jọ nọ Jihova o fiobọhọ kẹ omai fi ebẹbẹ buobu kparobọ evaọ oke nọ ma je kurẹriẹ ziọ ukoko na. Rekọ re ma sai “dikihẹ ga evaọ ẹrọwọ na,” o gwọlọ nọ ma rẹ rẹroso ẹe ẹsikpobi.—1Kọ 16:13.

Iwoho na: 1. Oniọvo-ọmọtẹ na ọ be kẹ aye jọ ibroshọ “Reawere Uzuazọ Bẹdẹ Bẹdẹ!” na evaọ oria nọ a rẹ jọ zẹ eware. 2. Aye na ọ be jọ obọ uwou se obe “Reawere Uzuazọ Bẹdẹ Bẹdẹ!” na je bi roro kpahe epanọ ọ te rọ siọ isigareti ba evovo. 3. Aye na ọ be họ-ame.

NỌ OMARA NỌ, ‘Eme me bi ru ro dhesẹ nọ mẹ rẹroso Jihova?’