Ma Omaa Eware jọ nọ Who ti Ru Evaọ Ezi Ekareghẹhọ Na

Kukpe kukpe, mai idibo Jihova ma re kuomagbe ru ekareghẹhọ uwhu Jesu, yọ onana o rẹ lẹliẹ eva were omai gaga. Eka jọ taure ma te ti ru Ekareghẹhọ na gbe oke nọ ma te ru ei no, ma rẹ rọ uvẹ kpobi nọ u rovie jiri Jihova rọkẹ ẹtanigbo nọ ọ kẹ omai na. (Ẹf 1:3, 7) Wọhọ oriruo, ma re zizie ahwo buobu ziọ Ekareghẹhọ na. Inievo jọ a rẹ ma omaa re a sai ru ọkobaro obufihọ orọ euwa 30 hayo 50 evaọ amara Asa hayo Ane. Kọ whọ gwọlọ ta usi uwoma vi epanọ whọ be hai ru anwẹdẹ evaọ ezi Ekareghẹhọ ukpe nana? Eme ọ rẹ sai fiobọhọ kẹ owhẹ ru ere?

Ẹsibuobu, nọ ohwo ọ tẹ ma omaa oware kpahotọ, ẹsiẹe ọ rẹ mai ru vi epanọ o je ru vẹre. (Itẹ 21:5) Oke Ekareghẹhọ ukpe nana o be kẹle no, fikiere enẹna ma rẹ jọ ma omaa oware nọ ma ti ru. Roro kpahe eware jọ dẹẹ nọ who ti ru re whọ sai kpohọ usi uwoma ziezi evaọ ezi Ekareghẹhọ na, re whọ jẹ ma omaa oghẹrẹ nọ whọ te sai ro ru ai. Kẹsena whọ vẹ lẹ se Jihova re o fiobọhọ kẹ owhẹ.—1Jọ 5:14, 15.

Kọ whọ sae ma omaa eware jọ nọ who ti ru re whọ sai kpohọ usi uwoma ziezi evaọ ezi Ekareghẹhọ na?