UZUAZỌ OLELEIKRISTI
“Fi Oware Jọ Họ Akotọ”
U fo ho re ma ta nọ ẹdẹ kpobi nọ ma kareghẹhọ ma ti ru unevaze. Ukpoye, wọhọ epanọ Pọl ukọ na o kere, o te mai woma re ma hai “fi oware jọ họ akotọ” nọ ma re ro ru unevaze. (1Kọ 16:2) Ma te lele ohrẹ nana, u re fiobọhọ kẹ omai ru nọ iruo Jihova e rẹ rọ nyaharo, yọ onana o rẹ wha evawere se omai. Ma tẹ maki roro nọ unevaze mai u tulo ho, o da Jihova ẹro fia inọ ma gwọlọ rọ eware eghaghae mai rọ kẹe orro.—Itẹ 3:9.
WHA RRI IVIDIO NA WHA KOBIRUO NỌ WHA RO FI OWARE JỌ HỌ AKOTỌ, KẸSENA WHA VẸ KIYO ENỌ NANA:
Irere vẹ ma ti wo nọ ma tẹ ma omaa unevaze nọ ma ti ru kpahotọ?
Eme ahwo jọ a ru no re a sai “fi oware jọ họ akotọ”?