UZUAZỌ OLELEIKRISTI

“Jọ Onọ Wha Wo O Da Owhai Ẹro”

Nọ ma gbe wo ugho tere he, o sae lẹliẹ omai ru oware jọ nọ o rẹ raha usu nọ ma wo kugbe Jihova. Wọhọ oriruo, iruo jọ e sai te omai obọ nọ a te jọ hwa omai okposa, rekọ u ti ru ei bẹbẹ kẹ omai re ma gọ Jihova. Ma te roro didi kpahe Ahwo Hibru 13:5, u ti fiobọhọ kẹ omai.

“Jọ edhere uzuazọ rai o kare uyoyou ugho”

Lẹ jẹ romatotọ roro kpahe oghẹrẹ nọ who rri ugho, re who je roro kpahe oriruo nọ who bi fihotọ kẹ emọ ra.—g-E 9/15 6.

“Jọ eware nọ wha wo obọnana e da owhai ẹro”

Rri otọ mu, re who vuhu eware nọ e ginẹ rrọ oja kẹ owhẹ.—w16.07 7 ¶1-2.

“Mẹ te nyasiọ owhẹ ba vievie he, yọ me ti gbabọkẹ owhẹ vievie he”

Fievahọ Jihova inọ o ti fiobọhọ kẹ owhẹ wo eware nọ whọ sai ro yeri uzuazọ nọ whọ tẹ rọ Uvie riẹ karo ẹsikpobi.—w14 4/15 21 ¶17.

Iwoho na: Iwoho nọ a rehọ no ividio na ze “Epanọ Inievo Mai A be Sai ro Wo Udhedhẹ Ghelọ Ugho nọ O Riẹ Hẹ.” 1. Brọda Miguel o bi ru epanọ o re ro beki ebrẹdi, yọ ovini nọ a ma fihọ etegu ọ kẹle etẹe. 2. Ọ be kpa iwu. 3. O bi rri ughẹgbe yọ ọ be hwẹ, ọ ruẹrẹ oma kpahe no re o kpohọ iruo evaọ istọ jọ nọ a jọ rehọ iẹe iruo.

WHA RRI IVIDIO NA EPANỌ INIEVO MAI A BE SAI RO WO UDHEDHẸ GHELỌ UGHO NỌ O RIẸ HẸ, KẸSENA WHA VẸ KUYO ONỌ NANA:

Eme who wuhrẹ no iku Brọda Miguel Novoa ze?

Uyo ra