Hae Jọ Iwoho nọ E Rrọ Ebe Mai Wuhrẹ Eware Buobu

Iwoho e da ebe mai fia nọ ma rẹ sai wuhrẹ emamọ eware no ze. Re whọ sai wuhrẹ emamọ eware buobu no iwoho na ze, eme who re ru?

• Nọ ohwo ọ tẹ ruẹ emamọ emu nọ a wọ fihotọ, ohwo na ọ rẹ ta nọ, ‘Mẹ rẹ re emu nana whẹ.’ Ogbẹrọ ere? Ere ọvona re, nọ who te rovie iwoho nọ e rrọ uzoẹme na riwi taure who te ti se uzoẹme na, o rẹ wọhọ ẹsenọ whọ ruẹ emu na no. Yọ oyena o sai ru nọ uzoẹme na o rẹ rọ ruọ owhẹ oma se. Fikiere nọ omara nọ, ‘Eme mẹ jọ uwoho na ruẹ?’—Emọs 7:7, 8.

• Hai roro kpahe oware nọ a ro fi iwoho na họ uzoẹme nọ who bi se na. Se eme nọ a kere fihọ otọ iwoho na gbe eme nọ a ro dhesẹ iwoho na. Nọ who bi se na, roro kpahe epanọ iwoho na i ro wobọ kugbe uzoẹme nọ who bi se na. Who ve je roro kpahe oware nọ whọ sai wuhrẹ noi ze.

• Nọ who te se kpobi no, whọ vẹ wariẹ rri iwoho na re whọ kareghẹhọ eware nọ i wuzou gaga nọ whọ jọ uzoẹme na wuhrẹ. Nọ who te ru ere no, whọ vẹ fare aro ra re whọ jọ iroro ra ruẹ iwoho na. Whọ vẹ daoma roro oware nọ who wuhrẹ noi ze.

• Ẹvẹ who roro? Kọ u ti gbe woma re whọ wariẹ rri iwoho nọ e rrọ emagazini nana sọ whọ sae kareghẹhọ oware nọ a be rehọ ae wuhrẹ omai?