Ruẹrẹ Udu Ra Kpahe

Ma gwọlọ nọ eware nọ ma bi wuhrẹ evaọ Ebaibol i re te omai udu. U fo nọ ma rẹ rọ aro kele Ẹzra, keme ‘Ẹzra ọ ruẹrẹ udu riẹ kpahe re ọ kiẹ Uzi Jihova.’ (Ẹzra 7:10) Rekọ ẹvẹ ma sae rọ ruẹrẹ udu mai kpahe?

Olẹ. Rọ olẹ mu uwuhrẹ Ebaibol ra họ. Vuẹ Jihova nọ o fiobọhọ kẹ owhẹ wo otoriẹ eware nọ who bi ti se na, je fiobọhọ kẹ owhẹ ru eware nọ who wuhrẹ.—Ol. 119:18, 34.

Wo omaurokpotọ. Ọghẹnẹ ọ rẹ ko uzẹme na dhere ahwo nọ a wo omorro gbe ahwo nọ a re roro nọ ẹgba obọrai a sae rọ riẹ otọ eware nọ a bi se. (Luk 10:21) Who du ru ekiakiẹ fikinọ whọ gwọlọ rehọ iẹe dhesẹ oma kẹ ahwo ho re o jọ nọ whọ riẹ gaga. Otẹrọnọ oghẹrẹ nọ who bi rri oware jọ, ere Ọghẹnẹ o rri rie he, daoma nwene.

Daoma kporo ole ukoko na jọ. Ole o re te ohwo udu gaga. U re ru nọ iroro mai e rẹ rọ jọ oware nọ ma bi ti ru rọ gọ Ọghẹnẹ. Whọ tẹ gaviezọ kẹ ole ukoko na taure who te ti mu uwuhrẹ omobọ ra họ, o sae lẹliẹ iroro ra jọ oware nọ who bi ti wuhrẹ na gaga.