Kọ Ikuigbe Jesu nọ E Rrọ Ebaibol na E Gba?

Uyo nọ Ebaibol na ọ kẹ

Luk ọ ta kpahe iku nọ o kere kpahe Jesu, inọ: “[Me] lele eware na kpobi nọ emuhọ ze ẹrẹrẹe.”—Luk 1:3.

Ahwo jọ a ta nọ otujọ a nwene ikuigbe Jesu nọ Matiu, Mak, Luk, gbe Jọn a kere na evaọ etoke ikpe-udhusoi avọ ene na.

Rekọ evaọ ikpe-udhusoi avọ 20, a duku abọjọ ikere Jọn evaọ obọ Ijipti. Enẹna a bi sei Papyrus Rylands 457 (P⁵²) yọ a fi rie họ uwou-ebe nọ a re se John Rylands Library, obọ Manchester, England. Iku nọ e rrọ obe Jọn 18:31-33, 37, 38 eye e rrọ evaọ obe nana. Evaọ usu Ikereakere Griki nọ a duku no enẹna, onana họ onọ a kaki kere.

Egba-eriariẹ Ebaibol buobu a rọwo nọ a kere obe nana evaọ 125 C.E., koyehọ nọ Jọn o kere iku nana no, ikpe udhegbisoi ọvo e vrẹ no taure a te ti kere obe nana. Eme ọ obe nana avọ enọ e rrọ ikulu-ebe uwhremu na enwenọ epọvo na.