Fikieme Isẹri Jihova A Gbẹ Rọ Uruwhere Gọ Ọghẹnẹ Hẹ?

Ahwo buobu a re rri uruwhere wọhọ oka nọ a re ro vuhu Ileleikristi. Dede nọ mai Isẹri Jihova yọ Ileleikristi, ma rẹ rọ uruwhere gọ Ọghẹnẹ hẹ. Fikieme?

Orọ ọsosuọ, Ebaibol na o wuhrẹ vievie he inọ uruwhere Jesu o whu fihọ, rekọ ehru ure oliọliọ. Ofariẹ, Ebaibol na ọ vẹvẹ Ileleikristi unu nọ a “kẹnoma kẹ ẹdhọgọ,” onọ u dhesẹ nọ a rẹ rọ uruwhere gọ Ọghẹnẹ hẹ.—1 Ahwo Kọrint 10:14; 1 Jọn 5:21.

Maero na, Jesu ọ ta nọ: “Ẹkwoma onana ahwo kpobi a te rọ riẹ nọ whai yọ ilele mẹ, nọ wha te wo uyoyou evaọ udevie rai.” (Jọn 13:34, 35) Ẹme Jesu nana o dhesẹ nọ uyoyou a ti ro vuhu Ileleikristi uzẹme, orọnikọ uruwhere hayo ẹmema jọ họ.