Ẹme-Obotọ

a Obe jọ nọ a re se Modern Blood Banking and Transfusion Practices, onọ Dr. Denise M. Harmening o kere o ta nọ, “ẹsejọ nọ egẹgẹ azẹ ewawae nọ e rrọ oma na i te bi whu no fiki azẹ nọ a bi se fihọ ohwo oma, o rẹ kaki dhesẹ oma via ha” otẹrọnọ a “se azẹ fihọ ohwo na oma no evaọ oke jọ, o dihọ, hayo a nwene okwakwa jọ evaọ oma riẹ no vẹre.” Evaọ oma ahwo otiọye na, eware nọ e rrọ oma na nọ i re dhesẹ sọ oghẹrẹ azẹ jọ o ti kiehọ ohwo oma hayo o ti kiehọ iẹe oma ha, “i re dhesẹ oma via ha nọ a tẹ make kiẹ azẹ na riwi taure a te ti se azẹ fihọ ohwo na oma.” Wọhọ epanọ obe jọ nọ a re se Dailey’s Notes on Blood o ta, egẹgẹ azẹ ewawae e sai muhọ ewhu “evaọ oma na nọ a te se azẹ nọ o kiehọ oma na ha fihọ iẹe . . . o tẹ make rọnọ azẹ na o tulo ho dede. Nọ ibieku na e tẹ se iruo ba eru, eware nọ e be ruọ eva azẹ na e sae nua oma na, keme ibieku na e gbẹ be sai ru azẹ na fo ho.”