Ẹme-Obotọ

b Ẹme na “ihri-eriọ” nọ a fodẹ na u dhesẹ epanọ o rẹ kẹ Jihova uye te nọ ohwo ọ tẹ nyasiọ iẹe ba nyae gọ eghẹnẹ efa. Iroro mai e rẹ sai kpohọ ofu ọgaga nọ ọzae uwou-orọo o re mu fiki ihri-eriọ otẹrọnọ aye riẹ ọ nyabru ọzae ọfa. (Itẹ 6:34) Wọhọ ọzae yena, Jihova o mu ofu gaga nọ ahwo riẹ nọ ọ re ọvọ kugbe a nyasiọ iẹe ba nyae gọ emedhọ, yọ o mu ofu thọ họ. Obe ekiakiẹ jọ o ta nọ: “Ọghẹnẹ ọ rẹ re ihri . . . fikinọ Ọ rrọ fuafo. Fikinọ ọye Ọvo họ Ọrẹri na . . . , Ọ rẹ kuvẹ hẹ re a lele iei hrowo ọkwa.”​—Ọny. 34:14.