Ẹme-Obotọ

a Kọ otẹrọnọ ike nọ i zihe ruọ emọ nọ a fihọ oma aye na kpobi e daji hayo ejọ i gbe woma tere he? A te keke aro fihọ si ọjọ no eva aye na yọ eva-ekparọ. A tẹ jọ evaọ ọgọ gua ike aye gbe ame-oma ọzae kugbe fihọ evaọ aye, o rẹ whae ze nọ aye o re ro dieva emọ ivẹ, emọ esa, hayo bu vrẹ ere họ ẹsiẹvo, onọ o rẹ whae ze nọ a re ro yẹ emọ nọ emerae rai e gba ha hayo hwẹ azẹ gaga evaọ etoke eyẹ. Nọ ike nọ a fihọ oma aye na kpobi e tẹ zọ a rẹ sae ta kẹe inọ ọ salọ ọnọ ọ gwọlọ yẹ, kẹsena a ve kpe enọ i kiọkọ. Onana yọ eva-ekparọ, ohẹriẹ o rrọ onana avọ ohwo-okpe he.—Ọny. 21:22, 23; Ol. 139:16.