Ẹme-Obotọ

c IWOHO NA: A be jọ iwoho esa na dhesẹ oware nọ inievo na a bi ru taure ewuhrẹ o te ti muhọ, nọ ewuhrẹ o muhọ no, gbe oke nọ ọ fa no. Uwoho ọsosuọ: Ọkpako ukoko nọ o bi yere ohwo jọ nọ ọ ziọ ewuhrẹ sasasa, oniọvo-ọmọzae nọ ọ be nyae ruẹrẹ emaekrofonu họ, oniọvo-ọmọtẹ nọ o bi lele oniọvo-ọmọtẹ ọfa nọ ọ kpako no ta ẹme. Uwoho avọ ivẹ: Te emaha te ekpako a be daoma kuyo evaọ Uwuhrẹ Uwou-Eroro. Uwoho avọ esa: Oniọvo-ọmọzae jọ avọ aye riẹ a bi ru Ọgwa Uvie fo. Oni nọ o bi wuhrẹ ọmọ re ọ hai fi ugho họ etehe unevaze. Oniọvo-ọmọzae nọ ọ be ruẹrẹ ebe ukoko na họ, gbe oniọvo-ọmọzae nọ ọ be tuduhọ oniọvo-ọmọtẹ nọ ọ kpako no awọ.