Ẹme-Obotọ
a Jihova họ Ogbẹnyusu nọ ọ mai woma nọ ma wo. Ma rẹ rọ usu mai avọ iẹe zaro vievie he. Ma gwọlọ nọ ma re gbe wuhrẹ kpahe iẹe re ma riẹ oghẹrẹ ohwo nọ ọ rrọ ziezi. A rẹ rọ ẹdẹvo riẹ ohwo ho. Epọvo na re, re usu mai avọ Jihova o sae kpekpe ziezi, ma rẹ gbẹ daoma riẹ kpahe iẹe je ru eware nọ e rẹ were iẹe. Kọ, nọ orọnọ ma wo eware buobu nọ ma bi ru na, ẹvẹ ma sai ro wo uvẹ ru eware nọ i re fiobọhọ kẹ omai si kẹle Ọsẹ obọ odhiwu mai? Kọ irere vẹ i re te omai nọ ma te ru ere?