Ẹme-Obotọ

a Ahwo buobu gbidi gbidi te ezae te eyae, te emaha te ekpako, a be rọ ajọwha ta usi uwoma na nẹnẹ. Kọ whọ rrọ usu rai? O tẹ rrọ ere, kiyọ whọ rrọ usu ahwo nọ a be romakpotọ kẹ Jesu Kristi. Ma te jọ uzoẹme nana ta kpahe oware nọ u dhesẹ nọ Jesu o bi fiobọhọ kẹ omai re ma sai ru iruo usi uwoma ota nọ ọ kẹ omai na nẹnẹ. Eware nana nọ ma te ta kpahe na i ti fiobọhọ kẹ omai gbẹ gọ Jihova je ru oware nọ Kristi ọ gwọlọ.