Ẹme-Obotọ

a Otẹrọnọ ohwo ra jọ o whu ku owhẹ, ma riẹ nọ ẹsenọ who te roro kpahe ẹkparomatha na, o rẹ lẹliẹ oma sasa owhẹ. Rekọ ohwo ọ tẹ nọ owhẹ kpahe oware nọ o lẹliẹ owhẹ rọwo nọ Ọghẹnẹ ọ te kpare ahwo nọ a whu no ze, eme whọ rẹ ta kẹe? Eme who re ru re u mu owhẹ ẹro gaga inọ Ọghẹnẹ ọ te ginẹ kpare ahwo nọ a whu no ze? Ma te jọ uzoẹme nana ta kpahe oware nọ ma re ru re u mu omai ẹro viere inọ ẹkparomatha ọ te ginẹ jariẹ.