Ẹme-Obotọ

a Ma te jọ uzoẹme nana wuhrẹ eware nọ e te lẹliẹ omai gbẹ dhẹ ohrẹ uzuazọ na. Nọ ma be dhẹ ohrẹ na, u wo eware jọ nọ ma rẹ wha lele oma. Ejọ họ, eyaa nọ ma ya kẹ Jihova inọ ma te gọe, oware nọ u fo nọ ma re ru evaọ uviuwou mai, yọ ma te ru oware jọ, oware kpobi nọ u no rie ze ma rẹ jẹ rọ uzou mai wọe re. Rekọ u wo eware jọ nọ u fo nọ ma re gbolo kufiẹ re ma sae dhẹ ohrẹ na te oka. Ma gbe gbolo ai kufiẹ hẹ, ma te gbẹ sae dhẹ ziezi hi. Ma te jọ uzoẹme nana ta kpahe ae.