4:10-15

Jihova o fiobọhọ kẹ Mosis nọ ozọ u gbe je ro mu ei hi. Eme ma rẹ sai wuhrẹ no ẹme nọ Jihova ọ ta kẹ Mosis na ze?

• U fo ho re ma tẹrovi abọ nọ ma be jọ riẹ ru hu

• Ma rẹ sai fievahọ Jihova inọ o ti fiobọhọ kẹ omai ru iruo kpobi nọ ọ kẹ omai

• Ẹrọwọ nọ ma re fihọ Ọghẹnẹ u re ru nọ ma gbẹ rọ dhozọ ohwo-akpọ họ

Evaọ oke ọsosuọ, Mosis o roro nọ ọ te sai ru iruo nọ Jihova ọ kẹ riẹ nọ o ru na ha. (Ọny 4:10, 13) Kọ o via ere kẹ owhẹ no ẹdẹjọ? Kọ Isẹri Jihova a bi wuhrẹ Ebaibol na kugbe owhẹ? Kọ o rrọ owhẹ oma nọ whọ te sae ta usi uwoma no uwou ruọ uwou na ha? O sae jọnọ whẹ yọ uzoge nọ ọ be sae jọ obọ isukulu ta usi uwoma ha fiki ozọ. Hayo ozọ u bi mu owhẹ re whọ rehọ ifonu ta usi uwoma hayo wobọ evaọ oghẹrẹ usi uwoma ota ẹgbede jọ. Otẹrọnọ ere o rrọ kẹ owhẹ, lẹ se Jihova re ọ rehọ ẹzi ọfuafo riẹ kẹ owhẹ ẹgba. (1Pi 4:11) Fievahọ Jihova inọ o ti fiobọhọ kẹ owhẹ ru iruo kpobi nọ ọ kẹ owhẹ.​—Ọny 4:11, 12.