Eme ma wuhrẹ kpahe Jihova rono uzi ọ idhe izieraha na ze? Ma wuhrẹ noi ze inọ Jihova yọ Ọghẹnẹ nọ o wo ohrọriọ jẹ be kareghẹhọ umuo ẹgba idibo riẹ. (Olezi 103:14) Ọ gwọlọ nọ ma si kẹle iẹe, mu usu okpekpe kugbei o tẹ make rọnọ ma bi lele uyero obẹbẹ jọ muabọ dede, wọhọ owho, ẹyao, ewha-iruo uviuwou hayo eware efa jọ. O rẹ sae kẹ omai omosasọ nọ ma tẹ riẹ inọ Jihova Ọghẹnẹ ọ rẹ wereva kugbe omai nọ ma te bi ru utho nọ ẹgba mai o te.