• Amono Họ Ikọ-Odhiwu, Kọ Eme A re Ru?
    Reawere Uzuazọ Bẹdẹ Bẹdẹ!—Uwuhrẹ Ebaibol nọ O te Kẹ Owhẹ Erere
    • Eware sa-sa nọ a rẹ rọ gbẹva, eware wọhọ ẹwẹ akpala nọ a kere eme fihọ, imibebi, obe nọ o ta kpahe ahwo nọ a ta nọ a re se azẹ ahwo, oghẹrẹ ekade jọ, insẹnse, ẹgba nọ a rẹ gba fihọ abọ, ore, ibigho-abe, gbe eware efa itieye.

      5. Who wobọ evaọ iruẹru-imizi vievie he

      Setan avọ idhivẹri na yọ ewegrẹ Jihova. Yọ ewegrẹ mai a rrọ re. Se Luk 9:38-42, kẹsena wha vẹ ta ẹme kpahe onọ nana:

      • Oghẹrẹ vẹ idhivẹri na a re ru ahwo?

      Ma rẹ kuvẹ re idhivẹri a su omai vievie he. Se Iziewariẹ 18:10-12, kẹsena wha vẹ ta ẹme kpahe enọ nana:

      • Idhere vẹ idhivẹri na a rẹ rọ gwọlọ ru omai re a ta ẹme kugbe omai? Eware jọ vẹ nọ i wobọ kugbe imizi ahwo a re ru gaga evaọ oborai?

      • Kọ who roro nọ u woma nọ Jihova ọ rọ ta nọ ma ghọ iruẹru-imizi? Fikieme whọ rọ ta ere?

      Kporo IVIDIO na, kẹsena wha vẹ ta ẹme kpahe enọ nọ e rrọ obotọ na.

      IVIDIO: “Wha Wọso Ẹdhọ” (5:02)

      • Kọ who roro nọ oware nọ Palesa o thuru fihọ obọ ọmọtẹ riẹ na o thọ? Fikieme whọ rọ ta ere?

      • Eme o gwọlọ nọ Palesa o re ru re idhivẹri i gbe kpokpo iei hi?

      No otọ avọ otọ ze Ileleikristi uzẹme a re ru oware ovo kugbe idhivẹri hi. Se Iruẹru Ikọ 19:19 gbe 1 Ahwo Kọrint 10:21, kẹsena wha vẹ ta ẹme kpahe onọ nana:

      • Fikieme u ro wuzou re whọ raha oware kpobi nọ who wo nọ u wobọ kugbe iruẹru-imizi no?

      Aye jọ nọ ọ be mahe ekwakwa sa-sa nọ i wobọ kugbe iruẹru-imizi no.
  • Eme Ọ rẹ Via kẹ Omai nọ Ma te Whu?
    Reawere Uzuazọ Bẹdẹ Bẹdẹ!—Uwuhrẹ Ebaibol nọ O te Kẹ Owhẹ Erere

    • 2. Didi erere ma re wo nọ ma tẹ riẹ uzẹme na kpahe uwhu?

      Ahwo buobu a rẹ dhozọ uwhu, yọ ozọ ohwo nọ o whu no o re tube mu ai dede. Rekọ oware nọ Ebaibol na ọ ta kpahe uwhu o sai si ozọ na no owhẹ ẹro. Jesu ọ ta nọ: “Uzẹme na u . . . ti si owhai no igbo.” (Jọn 8:32) Egagọ jọ a re wuhrẹ nọ ohwo o te whu, oware jọ u re noi oma kpohọ oria ọfa, rekọ Ebaibol na ọ ta ere vievie he. Fikiere, ohwo nọ o whu no ọ rẹ ruẹ uye he. Nọ orọnọ ahwo nọ a whu no a riẹ oware ovo ho na, a rẹ sae nwa omai oma ha. Nọ o rrọ ere na, ma rẹ gọ hayo ru oware ovo kẹ ahwo nọ a whu no ro kie ai ofu hu, yọ ma rẹ lẹ kẹ ai gbe he.

      Ahwo jọ a rẹ ta nọ a re lele enọ i whu no ta ẹme. Rekọ o sae jọ ere vievie he. Wọhọ epanọ ma wuhrẹ no na, enọ i whu no “a riẹ oware ovuovo ho.” Nọ ohwo o te roro nọ o bi lele ahwo riẹ nọ a whu no ta ẹme yọ idhivẹri o bi lele ta ẹme na, keme a re ru wọhọ ẹsenọ a rrọ ahwo nọ a whu no na. Ma tẹ riẹ oghẹrẹ nọ ohwo nọ o whu no ọ rrọ dẹẹ, ma re kie ruọ abọ idhivẹri hi. Jihova ọ vẹvẹ omai unu nọ ma lele enọ i whu no ta ẹme he, keme ọ riẹ nọ ma tẹ nya usu kugbe idhivẹri o rẹ wha uye se omai.​—Se Iziewariẹ 18:10-12.