• ‘Areghẹ Ọ Rẹ Jọ Rọ Kẹ Enọ E Kare Omorro’
    Uwou-Eroro Na—2000 | Aria 1

    • 12. Ẹvẹ Gidiọn o ro dhesẹ orimuo evaọ ẹwhaharo iruo riẹ?

      12 Taure o te ti vi Gidiọn kpohọ ẹmo, Jihova ọ dawo e riẹ. Edhere vẹ? A ta kẹ Gidiọn inọ ọ raha agbada-idhe Bale ọsẹ riẹ re o je ko ọkpọ ọfuafo nọ ọ kẹle riẹ na fihọ otọ. Iruo nana e gwọlọ aruọwha, rekọ Gidiọn o dhesẹ uruemu ababọ-omorro gbe orimuo evaọ edhere nọ o ro ru iruo na. Ukpenọ o re ru iruo na evaọ aro ogbotu, Gidiọn ọ tẹ hẹrẹ te aso re ahwo a siẹe ba ẹruẹ. Ofariẹ, Gidiọn o ru iruo na avọ oma-oyọrọ. Ọ rehọ idibo ikpe gboma—ẹsejọhọ re ejọ e jọ wọhọ iroiro nọ edekọ i bi fiobọhọ kẹe raha agbada-idhe na avọ ọkpọ ọfuafo na.b Oghẹrẹ nọ o jọ kpobi, avọ oghale Jihova, Gidiọn o ru iruo riẹ gba, Ọghẹnẹ ọ tẹ kẹ Izrẹl ufuoma no obọ ahwo Midia ẹkwoma riẹ.—Ibruoziẹ 6:25-27.