¹⁸ Aimava a te muọ onya họ, bi kpobọ Bẹtlẹhẹm. Wọhọ epanọ ahwo jọ a ta, erẹ nana o rẹ sae rehọ oka soso. Ababọ avro, aimava na a jẹ sasa ohwohwo oma evaọ edhere dede nọ a jọ uweri.

²¹ Eyae ivẹ na a te Bẹtlẹhẹm no, ẹwho nọ ọ rehọ emaele ezeza thabọ no Jerusalẹm. O wọhọ nọ a riẹ uviuwou Naomi gaga keme nọ a te obei, ahwo kpobi a tẹ jẹ ta ẹme kpahe iẹe. Eyae ẹwho na a rri rie a vẹ ta nọ, ‘Kọ nọ Naomi?’ Ukane na u gine nwene iei; whọ tẹ ruẹ e riẹ whọ rẹ nwane riẹ nọ ọ ruẹ uye gaga no.—Rut 1:19.