9, 10. (a) Oghẹrẹ oria vẹ Devidi avọ ahwo riẹ a jẹ rria? (b) Fikieme oware nọ Devidi avọ ahwo riẹ a je ru o hae rọ da Nebale ẹro? (Rri oruvẹ-obotọ nọ o rrọ edhe-ẹme avọ ikpe na re.)

⁹ Nebale ọ jẹ rria ẹwho Maọn, rekọ o je ru iruo evaọ obọ Kamẹl, yọ o wọhọ nọ o wo otọ evaọ etẹe.a Ewho yena i wo ikpehru nọ ẹbe ọ rrọ ziezi nọ a sae jọ thuru igodẹ, yọ Nebale o wo igodẹ idu esa (3,000). Rekọ igbrẹwọ e wariẹ oyena soso họ. Igbrẹwọ Paran e jọ ofẹ obọze ovatha-ọre. Ofẹ ovatha-ọre nọ a re ro kpohọ Abade Uwhei na o jọ otọ oyaya nọ ikiekpotọ gbe ighogho-itho e jọ. Ẹkwotọ nana Devidi avọ ahwo riẹ a jẹ jọ no oria ruọ oria na, jẹ gwọlọ emu nọ a rẹ re, yọ oja o be re ae. A jẹ hae nyaku ithuru-igodẹ Nebale nọ o fe gaga na.